用藥保健~~~~~定期捐血有助代謝~~~~~遊子
報紙寫著：全台灣捐血紀錄上懸的張國森先生已經999擺囉！預定過了舊曆年就會破1000擺；
女性上懸的捐血紀錄是王秋瓊女士，達到799擺喔！
捐血是做好事，積功德‧一般成年人的總血量佔身體的8%，正常人每工差不多會生產40cc~
50cc的新血量，共時間內嘛有差不多平濟的舊血量會消失去，予咱的身體保持平衡；所以，
定期捐血對身體內血量的新陳代謝有幫助，嘛﹝勿會﹞去影響到體力‧
目前捐血分做全血(紅血球)和血小板‧照規定抑是捐全血1擺250cc，愛隔2個月，抑是1擺
捐500cc，愛隔3個月‧佇統計上250cc算1擺，500cc算2擺；抑是捐分離術的血小板，每擺
愛撐倒2點鐘來做分離處理，記錄上算2擺，抑是用卡新的双臂式血小板分離儀器，會當共一
時同齊捐出双倍的血小板，記錄上就算4擺‧因為捐血小板只需要隔2個禮拜爾爾，抑是每擺
攏是用双臂式血小板分離儀器，1年上濟會當捐到96擺喔！到目前為止的捐血次數紀錄企頭
前的，差不多攏是捐血小板的人為主‧
即馬的人大部份攏食傷好、食傷油，結果捐血的時陣，抽出來的鮮血，抑是血脂肪傷懸(一般
講的血濁)，判斷是”奶糜血”，就愛做廢﹝勿會﹞當使用，實在真無採，嘛枉廢捐血人的好
心‧照統計舊年桃竹苗地區的”奶糜血”達到4.5%耶，實在予人真毋甘‧
”奶糜血”是指：抽出來的血袋仔內底，血小板抑是血漿變成奶白色、濁濁的款，就表示血
內底的油脂傷懸、傷濟啦！這對咱身體無好，大細條血筋可能會去塞著，是引起心臟病、血
筋病症的上大原因；所以，現代人的健康飲食習慣應該是：少油、少鹽、少糖、加一寡仔運
動。
由台灣血液基金會的統計資料來看，台灣國民的捐血率差不多是8%，比起歐美國家無到6%的
平均值，佇全世界咱台灣算排頭前有名喔！
留言列表
