jimmycmlin的部落格

新聞辭典~~~~~空蝕水槽~~~~~遊子
報紙寫著：台灣高鐵的700T型車頭，佇國立海洋大學的空蝕水槽做測試‧又講
海洋大學的空蝕水槽，是全世界第三大的空蝕水槽，規模干哪輸予美國軍方，
位佇曼菲斯的LCC和德國漢堡船模實驗室的HYAKT爾爾；是軍民兩用的低背景噪
音大型空蝕水槽實驗室，佇2002年4月，由中船基隆廠承製完成，造價達到3億
6千萬箍新台幣喔！
什麼是空蝕水槽(Cavity Pool)？簡單講：伊就是1座大型密封式的循環水管，
伊的容水量達到1000公噸，水管內徑達到2.6X1.5公尺，長度達到48公尺，全
懸達到18公尺；因為實在有夠大型，所以，有半截囥佇地面頂，另外半截埋佇
土跤底‧實驗室以推進馬達將水槽內的水流高速運轉，上懸會當達到每秒12.1
5公尺，會當佇水槽內來模擬水面上亦是水底的載具，佇高速駛行時的風阻效應
，會當觀察著載具本體的振動和噪音情形，用來調整修正和測試載具的流線構型
‧空蝕水槽毋哪會當測試水面上的船艦、水底的潛水艇、魚雷等等，嘛會當測試
汽車、電車、火車等等的陸上載具；因為會當由水流中觀察，得到比風洞中搁卡
清楚的渦流現象，來幫助達到上精確的修正效果‧
中科院嘛bhat借來做超空蝕現象(Supercavitation)的測試，佇研發魚雷的軍
事用途方面，是真重要的測試步數喔！佇全世界嘛猶無幾個國家有通按呢進行耶‧