jimmycmlin的部落格

台語文咱的台灣~~~~~澎湖群島變大變濟~~~~~遊子
因為科技設備進步，測量技術精進佮地理環境的改變，互澎湖群島變大又變濟喔！過
去沿用日本統治時代，大正年間的資料，一直講澎湖群島是由64個大細島嶼組成的，
總面積是126‧864平方公里‧澎湖縣政府最近委託學術機構調查，結果總共是90個
島嶼才對，總面積嘛增加近17平方公里‧近年來因為島嶼外爿浮出新沙洲~~澎澎灘，
毋哪變成新的熱門觀光景點，嘛引起群島數目無共的爭議，所以，才會委託重新測量
群島的數目‧
受委託的學術機構是國立高雄應用科技大學，採用衛星和航拍影像，而且，參酌聯勤
總部和海軍大氣海洋局測量地圖資料，同時依據聯合國海洋法公約：島嶼一定愛佇滿
潮線時陣，猶原浮露出水面的準則‧統計出澎湖群島總共是90個島嶼，其中測天島
佮澎湖本島，尖嶼佮白沙島，這2所在佇日據舊資料是看做攏是分開的，即擺測量確
認是相連做伙的‧90個島嶼佇落潮和滿潮時的平均潮面積是141‧052平方公里，其
中有人蹛的島嶼是19個，而且，有2個島嶼攏共款號做草嶼，1個位佇白沙鄉，1個位
佇望安鄉‧澎湖縣政府嘛發現到，猶有64個島嶼無地籍圖資料，希望趁即個機會，協
助國有財產局來辦法登錄的作業‧再將完整的澎湖群島新資料，呈報去內政部核備，
來全面修改作正確的官方資料‧