jimmycmlin的部落格

台語文~~~~~春天農場~~~~~遊子
鬧熱滾滾的元宵節過了，隔工就是阮的紀念日，舊年是珍珠婚(Pearl wedding)，
一目﹝目聶﹞，珍珠開始漸漸欲轉變做珊瑚(Coral)囉！雖然，新正時定定歇睏，今
仔日是特別日子，當然嘛愛慶祝才是，予愛情的火需要繼續燒落去‧春天農場離茨無
若遠，人攏是”近廟欺神，媽祖興外地‧”所以，卡遠的所在去真濟位、真濟擺，近
的顛倒無踏入‧今仔日就去網路頂有名的~春天農場，行去參考看‧
倚中晝，停車場車無濟，不過，假日經過看遊客的車，攏停到外面大路邊喔！外頭建
築物和環境看起來﹝勿會﹞bhai，有花卉區、販賣店、餐廳，入關口是另外小路造景
遊覽區；抑是純入去造景遊覽區，門票50箍，抑是有用餐就免費‧
餐廳有室內和室外區，坐佇窗仔邊，欣賞外頭的花草景色，予人有好心情來用餐，
menu由中式、西式、小火鍋等，由280~550的價數，明仔載是情人節，嘛推出情人節
特餐660/人‧今仔日是特別日子，所以，食著卡讚的海陸餐，主菜是3項海鮮：2隻中
蝦、魚片、透抽片，配上牛小排抑是去骨雞腿，另外是沙拉、厚湯、甜點和飲料；口
味做著順喙好食，嘛真久無2人出席約會，回想著31冬前的種種，變化真濟，心內感
受真深，毋過，一路行來，無變的是兩人互相的信任和相牽成，親像2人3跤的早相
riok，雖然，有時會跋倒，總是拍拍著繼續行，無驚無惶，頭前的路猶長耶！即點阮
有信心‧
食飽後，去造景遊覽區行行看風景、助消化，一區一區無共色的草仔花，整理甲真嫷
，不過，園區太闊，需要再加強花草的面積和種類，會搁卡予人毋甘離開；其實，後
壁相連歸個山頭，就是有名的虎頭山公園，春、夏、秋、冬，無分日時暗時，攏有真
濟人佇虎頭山公園運動健身，幾年前，阮嘛bhat 1禮拜來3-4擺喔！透早6點外運動
到8點外，細條山路步道真濟，到上頂懸，就看到歸個桃園市和龜山，出日頭大好天
時，會當看到CKS國際機場迄爿喔！予人感覺真好‧
虎頭山公園和春天農場是值得逐個來行踏、遊覽、健身、休閒的好所在‧