jimmycmlin的部落格

台語文~~~~~笑科集﹝輯﹞-6~~~~~遊子
(41).阿美：阿銘，今仔日是特別的日子，你cua我來“5星級“(華語)的所在，好麼？
阿銘：好啊！行------‧in2人到郊外公園的草仔埔‧
.阿美：你tai cua我來即個位？
阿銘：是啊！“5星級“(華語)算什麼？zia才是正港的滿天星佮“有省錢”耶！
(42).病人：醫師啊！我是毋是得到傳染病？
醫師：無啦！普通病症爾爾‧
病人：安呢，醫師你甘有傳染病？
醫師：嘛無啦！我是好好的身體‧
病人：抑無，是安怎你喙掩蓋甲賰目睭爾？是毋是驚萬一開刀失敗，互我認出來啦？
(43).阿鐘：某的！某的！緊起來，咱兜有鬼啦！
伊的牽手已經睏甲真入眠，目睭揉揉著講：是什麼代誌？喝甲赫大聲！
歸喙酒味的阿鐘：我拄仔去咱兜便所，門即開電火隨點光，真奇怪啊！
伊的牽手真生氣就講：是毋是搁有1陣陰冷的氣吹過來？
阿鐘：是啦！妳嘛知影喔！咱兜是毋是有鬼啦！
伊的牽手beh起來，大大將.阿鐘sian1個喙pue講：即禮拜內，你lim酒醉後，已經是
第2擺佇冰箱胡亂放尿阿啦！
(44).有線的電視台，有1台歸工攏佇報氣象爾爾，報無停‧
1位老仙的就講：阮細漢時嘛有共款的物件，迄當時，阮將伊叫做窗仔門。
(45).美國佮蘇聯已經講通和，同意2國的飛彈將目標徙過去大海中，mai搁互相相對‧
1個笑科演員就講：這個消息逐家攏真歡喜，不過，換逐位的大郵輪公司上煩惱啦！
(46)阿娥準備真濟嫁妝bhue出嫁，貨車來裝.嫁妝上車，茨邊頭尾的阿姆、阿嬸、伯婆
等等，攏圍佇邊仔看有夾若濟項嫁妝？媠衫仔褲總是有，冰箱、機車、電鍋、電視、音
響等等，頭到尾就是無看到“冷氣“，就大聲會講：阿娥無“夾冷氣“啊！
阿娥的老爸佇茨內聽到真無歡喜，就出來外頭對in講：恁是佇喝什麼啊？
In就歹勢應講：無啦！阮是看阿娥仔的嫁妝赫呢阿濟，呔無“夾冷氣“啊！
阿娥的老爸搁卡氣，就講：放心！阮阿娥一定會“夾奶去”啦！
(47).拜6早起，阿塗伯仔開刀完轉去病房歇睏靜養‧
伊問護士小姐講：等著醫生會來看我麼？
“﹝勿會﹞啦！醫生下晝以後，佇茨內真無閒喔！“
阿塗伯仔感覺奇怪就問護士：妳對醫生茨內的代誌呔赫呢了解？
護士：無什麼，伊是阮頭家啦！
(48)幼稚園的老師提1杯滾水，將白糖佮鹽囥入去杯仔底‧
問學生囡仔講：誰知影安怎甲白糖佮鹽分開，會曉的有賞喔！
全班囡仔看來看去，有1個巧的gia手講：“我知影‧先燃火將水滾互乾，會賰1粒1粒
白色的物件---‧“
“續落去愛安怎？“老師問
“簡單啦！掠幾隻狗蟻來，互狗蟻搬走的就是糖啦！“