jimmycmlin的部落格

用藥保健~~~~~喙破、舌破、臭喙角~~~~~遊子
咱一般人定定會拄到喙破、舌破、臭喙角的情形，這在醫學上叫做”口腔潰瘍”(Oral Ulcer)
亦是”口腔炎”(Stomatitis)‧
在臨床上會當看到喙內壁、喙舌、牙槽岸、喙角等等的所在，出現1個~幾仔個散開、淺淺仔破皮
、潰瘍的所在，食物件、lim湯、飲料時會有刺疼的感覺，無食物件時亦是和人講話時，嘛會感
覺焦焦、燒疼，在日常生活中造成不便，一般如果攏﹝勿愛﹞參伊，在10~14工內嘛自然會好‧
不過，有人每個月攏會發生1次，有時舊的破皮拄好爾爾，新的破皮隨綴著來，實在真艱苦‧
致病的原因主要是在某一個時陣，受到病毒(Virus)的侵入感染，第一次的症頭好以後，迄個病
毒繼續藏在身體內，在這個人傷過悿時，親像：暗睏、睏眠無夠、工作壓力(Stress)大、功課壓
力大、濟操煩、鬱積、營養無夠、感冒後、重病後等等時，病毒就走出來喙的組織發作，造成破皮
、潰瘍的症頭‧所以，出現即種症頭，就是一種警告的信號，講這個人體力透支，傷無閒啦！需要
好好仔來歇睏囉！抑無，即種症頭一定真捷來出現‧有時陣因為機械性的傷害(咬傷)、內分泌失調
、自主神經系統失調、醫療上的副作用等等，嘛可能會引起即種症頭‧
即種症頭表現出來有：破皮、潰瘍的所在真疼，牙槽岸腫，流喙濫水，喙臭、喙焦，
小便色黃，便秘；卡嚴重時會發燒、畏寒，無胃口，全身無力喔！如果是有食檳榔習慣的人，恐驚
是口腔癌的前兆，上好要去病院做切片，做進一步檢查‧
有即種症頭時按怎樣來處理：
(1).毋通食刺激性食物，像：傷鹹、酸、甜、苦、馦、燒的‧
(2).食清淡、冰涼、流質的飲料、含有安基酸的營養品，補充體力，卡未刺激傷口‧
(3).加歇睏，減少體力消耗‧
(4).平時就要做好口腔清潔工課，時時保持清氣‧
(5).適量補充多種維生素，加補充水份‧
(6).局部用喙內專用藥膏(Oral base)，大部份是類固醇的成份，亦是中藥粉，主要含有黃連、黃
柏、牛膽、薄荷、火硝等成份，來緩解疼痛，予傷口緊生密起來‧
(7).卡嚴重時要去予醫生看‧
(8).這時陣，絕對毋通有喙對喙來相好的行為，亦是喙對性器官的接觸相好行為‧毋通將病人喙內
物件予別人食‧這攏會傳染予對方喔！一定要小心注意才是‧