jimmycmlin的部落格

用藥保健~~~~~身體質量指數(BMI)~~~~~遊子
現代的各種媒體攏真愛提名模、藝人的身材作文章，不過，這看佇醫師和
營養師的眼中，﹝人因﹞的身材實在攏無夠標準，身體的質量指數(BMI)
攏相低，攏是18.5以下，互人看著感覺瘦疤疤‧這種審美觀念是無健康
的喔！這種無健康審美觀念嘛影響到，害到真濟少年查某囝仔‧
身體質量指數就是Body Molecular Index(BMI).
= 體重(公斤) / 身高(公尺)的平方‧BMI < 18.5 表示相過輕(瘦)；
抑是BMI=18.5~24中間， 表示上標準；抑是BMI=24~27中間， 表示相過重；
抑是BMI >/= 27. 表示傷過肥胖(大箍)‧
上吸引人的身材，決定的因素就是BMI，並不是西洋人所講的黃金比率‧
公認上性感的BMI就是佇19-20中間‧相瘦顛倒是病態無正常‧
即馬，受到流行文化和各種媒體炒作的影響，攏認定”瘦就是嫷”‧所以，
胡亂去買減肥藥，找尋無正確的減肥法，DIY瘦身，結果是傷身嘛傷心；
嚴重的人就出現厭食症﹝攏毋愛食任何物件﹞，開錢無要緊，甚至出現精
神障礙‧增加家庭和社會的問題‧由統計數字知影：接觸媒體愈濟愈接，
想﹝要卜﹞減肥瘦身的壓力愈大‧查某囝仔又是查埔囝仔的兩倍‧
其實健康體位的觀念~~健康就是嫷‧注意飲食習慣，培養運動好習慣，每
禮拜的運動33制，會當久長繼續做，就有法度控制體重，生活會當搁卡有
信心喔！