用藥保健~~~~~藥酒嘛是藥啊！~~~~~遊子
電視廣告做真大，內容嘛予人看到、聽到真感動；”明仔載的氣力，XXX替咱攢便便‧”
“台灣的經濟靠咱拍拼，咱的體力靠XXX來維持‧””福氣啦！XXX!”等等的廣告，1工
會當看到幾仔擺，強調會當提神，lim了才上工；商品廣告雖然真成功，不過，無形中灌
輸無正確的用藥保健觀念，實在大毋對啦！
因為，藥就是毒！用藥正確是治療、救命，不當用藥是害人致命喔！藥酒嘛是藥啊！一般
的酒精濃度達到8%懸，比麥仔酒懸1倍哩！lim傷濟嘛是會傷肝啊！正確的lim法：1工3擺
，1擺lim30~40cc就好‧毋通1擺歸罐lim予乾(600cc)，因為，1擺半罐(300cc)的酒精
濃度就無法度通過酒測喔！會增加駛車的危險性；嘛因為廣告的關係，真濟烏手的勞工師
父工，包括：土水師、木匠師、水電師、油漆師等等行業，佇每工工作歇睏時，攏會相招
lim淡薄仔藥酒，lim的時，又會參東參西，像：咖啡、米酒、沙士、汽水、椰子奶等等來
調味，長期連續lim落來，不但對酒精成癮，嘛加重對咖啡因(caffeine) 成癮喔！因為
，藥酒本身原本已經含有咖啡因(caffeine)囉！尤其調味以後，搁卡﹝勿會﹞記得lim若
濟酒精，卡會lim過量‧按呢，對正常的穡頭無幫助，有時顛倒有妨害，卡會發生工安意外
，職場的傷害‧
所以，藥酒是藥，毋是飲料；屬於指示用藥，必須由醫師亦是藥師、藥劑生的指示使用，
照規定佇有營業執照的藥局、藥房才會當販賣，一般的檳榔攤仔、麵攤仔、超級市場、超
級商店等等，攏﹝勿會﹞當違法來販賣，抑無是愛受到處罰‧即馬開始，主管機關將要求
業者加強管理和改進，佇廣告內容加註警語，而且，愛刪除”順口好落喉，無藥水味”、
”漢藥底顧根本”等，有暗示補身藥效、強調口感的廣告字句；避免廣告來誤導消費者，
嘛﹝勿會﹞當違規出貨予無合法營業執照的經銷商‧嘛可能推行上工前、下工後做酒測，
以維護工作安全‧否則因為lim藥酒過量，引起工安意外事件時，愛負賠償責任，依法會
予處罰3萬~6萬的罰款‧
註：目前市場上卡出名的藥酒品牌有：保力達-P、維士比、康有力、馬達力等40外種，其
中保力達-P、維士比合起來佔90%，酒精濃度攏共款達到8%‧另外，人蔘鹿茸藥酒等等的
藥酒類嘛真濟種‧
全站熱搜
留言列表
