jimmycmlin的部落格

用藥保健~~~~~無共劑型藥品的保存期無共~~~~~遊子
咱買食品時攏會注意製造日期亦是保存期限，抑無會食歹腹肚；換做藥品，過期亦是保存不當時，
毋是干哪食歹腹肚，藥效拍折爾爾，毋知復會出現什麼副作用喔！後果是予人料想未到‧尤其無共
劑型藥品的保存期無共，所以，咱有需要來認識佮瞭解‧
如果是完封、無開的任何劑型藥品，只要照標頭指示來保存，親像：室溫、需冷藏、需避光、需要
搖搖著等等，按呢，在標頭所印的保存期間(2~5年)內攏無問題；不過，如果曝到日頭傷久，予水
浸到，長期間在溫度懸的環境等等，雖然是完封、無開，嘛有可能變質去啦！
如果已經開封使用以後，一般的保存期大概是按呢：
(1).散裝口服劑：3~6個月‧
(2).一般糖漿藥水劑：6個月左右‧
(3).抗生素糖漿藥水劑：有冷藏時1~2禮拜‧
(4).糖尿病用的胰島素：在室溫是4禮拜左右‧有冷藏時6禮拜‧
(5).硝化甘油舌下錠劑：3個月‧
(6).皮膚外用藥膏劑：如果變硬、變成水水去、變色時，一定毋通使用‧
(7).目睭用的藥水和藥膏劑：不管是室溫亦是有冷藏攏1個月‧
咱嘛要定期檢查茨內人的用藥，是毋是有過期亦是保存不當，年底大拼掃時，嘛順續將茨內藥品整
理拼拼著，來維護全家的健康‧