jimmycmlin的部落格

台語文用藥保健~~~~~天狗熱~~~~~遊子
報紙寫著：今年頭1個因為本土性天狗熱來往生的病例‧什麼症頭是天狗熱？
天狗熱就是現代華語講的登革熱，主要的傳播病媒是埃及斑蚊和白線斑蚊；醫
療專家認為：病人在無共的時間，頭尾感染到2種無共型的天狗熱病毒時，尾仔
擺的症頭才會出現體內出血的情況，就是一般所講的出血性天狗熱；不過，在一
寡仔老大人原本有慢性病，親像：高血壓、糖尿病亦是心臟病等等，準做過去無
感染到天狗熱，因為前仔講到的原因，嘛會出現出血性天狗熱的症頭喔！


醫療專家診斷出血性天狗熱是根據4大特點：
(1).出現標準天狗熱的症頭：發燒、頭疼、筋肉疼、關節疼、皮膚紅疹等等‧
(2).出現皮下出血、鼻子出血、牙齦出血、大便參血、小便參血等等‧
(3).血小板的數量低於10萬‧
(4).血中白卵白真明顯降低亦是會當檢查出腹肚有水亦是肋膜腔有積水的情況‧
為著避免感染到天狗熱，不管時咱攏要將環境拼清氣，茨內外、茨前茨後，會
積水的空罐子、花盆、舊輪胎等等，攏毋通有積水的情況，抑無蚊子在積水的
所在生湠，就增加感染到天狗熱的危險性囉！茨內用汽水矸仔養青色植物時，
嘛要每禮拜換清水，保持矸仔底的水無蚊蟲‧這是逐家要注意的重要事誌‧