jimmycmlin的部落格

新聞辭典~~~~~違建~~~~~遊子
什麼是違建？伊是違章建築的簡單講‧總是無申領執照的建築物，攏是違章建築‧
官方對違建的認定分做：程序違建和實質違建2項‧
程序違建就親像先上車後來才補票，只要經過鑑定，有合法的設計，由合法的營造廠
施做，規劃設計的內容符合法規規定，就會當補申請執照‧
實質違建就一定依法拆除；但是地方政府通常會以分期拆除做理由，對部份情節卡無
嚴重的違建暫緩處理‧根據營建署以往做的研究調查，抑準照目前拆除的進度，佇台
灣現有的違建，需要用340年的時間才有法渡攏拆除完‧
上接看到的違建是叨幾款？
上接看到的違建包括：茨頂加建、法定空地加建、防火巷加建等等，這攏屬實質違建
，嘛攏一定依法拆除‧
建築物二次施工的違建，像：陽台向外推出加窗仔、停車空間互人改變做門廳抑是社
區公共設施使用、蓄水池改變做游泳池等等，根據政府的法規，嘛攏算是情節輕重不
等的違建‧
違建應該安怎處理卡適當？
建商公會認為，透過原容積改建，會當促進老舊建築物的改建，社區建築安全嘛有希
望提升，順續解決舊建築物的違建問題‧
另外，陽台向外推出加窗仔的問題，會當透過陽台毋計入容積和毋登記做權狀面積等
，由制度性的配套方案互伊改解決‧
嘛有業者認為，像：鐵窗仔和冷氣窗仔的安全佮美化，會當透過建築技術規則來改善
，兼顧到實用、安全佮美觀的問題‧