jimmycmlin的部落格

新聞辭典~~~~~婦聯會~~~~~遊子
佇總統府的博愛特區內，有一個機構” 婦聯會”，無償佔用國家的土地，
超過半世紀的時間久，經過阿扁仔總統點名追討了後，預定佇今年5月底會
當順利討轉來，這嘛是民進黨政府佇清查中國國民黨的不當黨產時，發現到
的問題，幾十年來，免開1角5仙銀的租金予政府，真正是國民黨提到和佔
用的不當黨產的代表‧
婦聯會又是什麼機構？遮尼阿有夠力‧
婦聯會的全名就是”中華民國婦女聯合會”，上頭先佇1950年4月17日成立
，迄當時叫做：中華婦女反共抗俄聯合會；創會主委是蔣介石的牽手蔣宋美
齡，所以講，一開始創會就和用威權統治台灣的中國國民黨黏甲密密密，一
直到2000年，政黨輪替後，猶原存留著真深的中國國民黨色彩‧
1964年經過內政部核備改名做：中華婦女反共聯合會；因為迄時陣，中國和
蘇聯拍歹感情，中國國民黨是欲對抗中國共產黨爾爾，敵人的敵人就是朋友
，所以，”抗俄”2字無去啦！1996年搁1擺改名做：中華民國婦女聯合會；
因為阿輝伯仔佇一步一步改造民主台灣，予既得利益的保守派真不滿，台灣
人民嘛愈來愈支持改革的民進黨，中國國民黨開始和中國共產黨愈行愈倚，
猶原用敵人的敵人就是朋友的想法，準備欲扭中國共產黨來壓迫台灣人，所
以，”反共” 2字提掉啦！一直維持到今‧
由伊上頭先叫的名稱，到後來一擺搁一擺的改變，會當看出時代潮流的改變
，不過，中國國民黨的心內佇想什麼？一直無變，自頭到今，就是食台灣人
夠夠啦！