(頂仔是面頂刺青的翁仔某‧達利‧伊洛佮莎韻‧否度另外是彼得洛‧烏曳)
新聞辭典~~~~~刺青~~~~~遊子 2008.01.22.
媒體報導：自1913年日本統治台灣時，推出”刺墨禁令”後，禁止所有台灣的原住民族佇
面頂刺青，近百年來攏無閣佇原住民族群，特別是查某人的面出現過新的”刺青”，一直
到今年2008才出現頭1個恢復佇面頂刺青的泰雅族查某人(莎韻‧否度)，伊是受到伊翁婿
(達利‧伊洛)的感動佮影響，才接受恢復佇面頂刺青‧所以，莎韻‧否度佮達利‧伊洛變
成頭1對近百年來恢復佇面頂刺青的翁仔某‧達利‧伊洛是自讀大學的時陣就佇面頂刺青，
(人因)閣公開佮另外1個嘛是恢復佇面頂刺青的太魯閣族人(彼得洛‧烏曳)開記者會，希
望會使喝醒閣較濟少年的泰雅族人佮太魯閣族人，重視祖先留落來的傳統刺青文化‧抑無
，到今咱台灣有刺青的原住民老大人賰無一百人，(人因)是咱台灣珍貴的國寶，絕對毋通
予拍無去，所以，恢復佇面頂刺青的傳統習俗，真正非常有意義啦！
什麼是刺青文化？現此時華語叫做紋面亦是紋身，就是用真利的刀子、針等等的傢私頭仔
，佇咱人的面頂亦是身軀逐所在攏會用哩，刺出特別的花色、紋路亦是圖樣、符號等等，
加上漆入無共的色彩，會使保存永久攏袂退掉‧
刺青又分做割痕佮刺紋2類，割痕有深、淺、粗、幼的無共，紋路亦是圖樣較簡單，刺紋
的功夫較幼秀，圖樣、符號較精密厚工，親像刺龍、刺鳳、刺花草，看起來閣較有特色‧
(頂仔是面頂刺青的毛利人)
刺青的傳統文化佇全世界的少數民族自早就時行普遍，尤其佇南太平洋的南島民族，包括
紐西蘭的毛利人、波里尼西亞人、印地安人等，日本北海道的原住民族愛奴人嘛有，佇中
國境內的少數民族，親像黎族、獨龍族、傣族、布朗族、佤族、基諾族等，到今嘛猷原保
留刺青的文化習俗‧
刺青是人類上原始精神的1種現象，起源自原始文化，幾千年來佇全世界的原住民族群一
直留傳落來，嘛是1個族群間的認同、社會地位的表現佮個人感情等因素的意義表達‧雖
然，有時會受到時代環境變遷的影響，毋過，後代族群的覺醒，予這珍貴的世界文化寶貝
，會使永遠閣傳落去‧
留言列表
