jimmycmlin的部落格

咱的台灣~~~~~七星山~~~~~ 遊子
七星山是大屯火群內底上懸的山頭，海拔有1120m懸，山頂是因為火山歕發作用佮
風化侵蝕來做成的‧一般民眾認為七星山是因為有7個錐形山頭才來號名的‧但是照
陽明山國家公園管理處，小油坑管理站的呂理昌主任研究，佇400年前的凱達格蘭族
就將伊號做“荖蘭山”，是聖山的意思‧後來的西班牙人和荷蘭人到山頂，看到伊的
山頂歸日煙霧濛濛，將伊叫做“Smoking mountain”，亦就是歕煙的山啦！清朝官
方來台灣，主要來這採硫磺礦，所以將伊叫做磺山；日本治台時陣，嘛將伊看做聖山
，伊的地位和新高山~~玉山，平懸平大喔！因為遠遠看去是1墩1墩的錐仔形山，所
以將伊叫做“七星墩山”，終戰了後，暫時佔領的國民黨政府，將伊叫做“七星山”‧
七星山的主峰1120m，東峰1100m，南峰960m‧山頂有七星池、夢幻湖、小油坑地
質景觀區、凱達格蘭族遺址，有大粒石頭的文明遺跡、箭竹林步道、guan芒花、牛奶
池等等；山勢雄偉，景觀真奇怪特別，跤力好的人，會當選擇步道用行路去遊覽看看‧
七星山是親近台北市上懸的山頭，所以，嘛是逐家休閒tit-tor的好所在！