jimmycmlin的部落格

莊子講(4)~~~~~宋人的秘方~~~~~遊子
佇宋國有一家族的人，有一樣好藥的秘方，佇寒天時，抹佇人的皮膚
頂面，就毋驚凍傷，皮膚﹝勿會﹞乾燥bit巡‧所以，這個家族的人
，一代傳一代，每世代的囝孫，一年四季攏佇做漂白布料的工作，生
理雖然﹝勿會﹞bhai，食飽顧腹肚無問題，每代的人嘛感覺真滿足‧
不過，世世代代共款按呢做，嘛無搁卡大的發展‧
有一工，一個外地人來，知影即個家族的情形，就出懸價百金，向in
收買in的秘方‧這個家族的人，無想講in的秘方ziah ni值錢，就真
歡喜互伊秘方的做法‧
買到秘方的人，就將即個秘方獻上吳王，而且，向吳王詳細解說秘方
佇軍事上的大用途，真正好用的所在‧hit當時，吳國和越國是世仇，
每年攏戰甲無完無了，真久無法度分出輸贏；吳王得到即的秘方了後，
就下令佇寒天起兵，發動水戰，吳國的軍人攏有抹上秘方，皮膚mak著
水攏﹝勿會﹞起凍瘡，ghia刀弄武器攏真順序；越國的兵仔就壞liu
liu啦！皮膚起凍瘡真嚴重，免兩三下就敗了了去啦！
吳王將越國拍敗後，非常歡喜，就封一大塊土地互獻上秘方的人，獻上
秘方的人，自後生活富裕，社會身份地位嘛提懸真濟‧
平平共款一樣好藥的秘方，用法雖然共款，抑是會曉變通使用，因為用
的所在和時機無共款，產生的結果嘛無共款；這對個人、家族抑是國家
的影響，相差是非常的大啊！