close
莊子講(27)~~~無跤趾頭仔的人~~~遊子
魯國有1個予人斬去跤趾頭仔的人叫做叔山無趾‧有1工，伊用跤後﹝骨丁﹞行路去見孔子‧
孔子對伊講：以前你無自愛，才會予官府斬去你的跤趾頭仔，就算今仔日你來見我，嘛已經
﹝勿會﹞赴啦！傷慢囉！
叔山無趾應講：我的跤趾頭仔雖然無去啦！毋過，佇我的身軀頂猶有比跤趾頭仔搁卡重要的
物件喔！我來見你就是想欲保全hiah的搁卡重要的物件啊！哼！
孔子緊會失禮，對伊講：拄仔真歹勢！真正真失禮！緊請你入來教阮遮個門徒‧
叔山無趾1句話嘛無想欲講，斡頭起跤隨離開‧
所以講：叔山無趾以前雖然做過歹事誌，造成身體的殘障，不過，後來伊嘛是1個有德的人，
連孔子瞭解以後嘛毋敢對伊看無起，怠慢伊‧佇咱日常生活中，當然毋通以外表身體的殘障
來判斷即個人是毋是廢人喔！
全站熱搜
留言列表
