莊子講(75)~~~屠龍的技術~~~遊子
朱泙漫真愛劍術，伊專工去向支離益學習屠龍的劍術，開了3年的時間，用
掉千金的財產，上尾仔總算予伊學出師啦！伊就拜別師父下山去‧返到茨，
每工未食未睏，千思萬想是想欲揣1尾龍來試看伊所練的屠龍劍術‧
伊四界找揣，遇到人就問講：你有看到龍喔？你知影龍攏在什麼所在？
結果，伊行過天下逐所在，攏無人看過龍，復卡免講知影龍蹛在什麼所在？
伊非常失望，走去高山頂，對著天頂大聲喝：龍啊！龍啊！你到底在叨位？
所以講：咱毋通手想欲摸天頂，跤是落落去古井底；理想傷懸變成夢想、空
想‧
像朱泙漫所練的屠龍劍術，到底是毋是會當屠龍？無人知啦！可能干哪會當
屠狗爾爾，有誰知？
全站熱搜
留言列表
