台語文~~無共款的銀髮生活~~遊子 2016.10.10.
大家好
我是紫米(jimmy)阿公，是頭頂戴草帽仔的樂師(藥師)；少年時提著公事包，行佇國內的大小病院，介紹逐種藥物的藥理作用佮副作用予看病的醫生瞭解，來幫助醫生診斷後會當正確選擇用藥開藥單，共同為民眾的健康來盡心盡力拍拼‧有時陣亦進入學校、監獄，對老師、學生佮受刑人做用藥安全佮反毒品的宣導，咱愛知影：藥就是毒，會使治病亦會致命，說明染上毒品對咱健康佮家庭生活的危害，希望大家絕對毋通染上毒品‧
公司退休後，拄仔有機會接觸著政府推動鄉土語言的母語政策，我就踏入閩南語的教學領域，佇幾仔間小學做閩南語的志工教學佮擔任閩南語專任老師；由教室內、課外活動中，培養學生囡仔對母語的認識佮趣味，因為母語文化亦是咱個人生長的肥底，漸漸亦看到母語的掖種傳湠佇學生囡仔的生活中爆芽囉！
佇每年語文比賽中，無論演講、朗讀方面，感覺小學生比高中生、社會人士的表現閣較好，這是予咱對母語的推展真正有希望啦！
全站熱搜
留言列表
