jimmycmlin的部落格

台語文~~~~~2006美西探親旅遊記(2)~~~~~遊子
出發的日子到囉！暗時的飛行機，查某囝和囝婿送阮去中正機場(CKS airport)，
自由行有影卡輕鬆，毋免親像綴團，愛看領隊的動作口令‧以往是為別人送機的機
會卡濟，總有機會輪到予別人來送機‧歇睏充電嘛是為著會當繼續行搁卡遠的路，
實在有需要啦！

長榮(BR)客機真寬闊，機艙內旅客真濟，強欲滿員耶！機艙內的放送攏一定是：華
語、台語和英語‧到底是咱台灣人家己的航空公司，唯一會當聽到台語放送的機艙
‧另外嘛有1個台語歌曲的頻道，好聽的台語歌曲放無歇，相信有歲的老大人會感
受到親切好意的服務；去美國的行程雖然是順風，嘛需要飛11點半鐘，地球是圓的
，飛行機向東飛行，會經過太平洋上的國際換日線，有影真奇妙，原本機艙外是烏
烏暗暗一片，忽然間變成入來光明的境界；起飛時是23:55，到洛杉磯(LA；Los
Angle)是共一工的20:35.經過17年才又踏入美國的土地‧
入關時，每一個人有影攏愛復留一次的手印，不過，出關行李用抽查，大部份旅遊
是毋免檢查行李就出去，算是真方便啦！
因為遊覽車先送別人去Hotel,輪到阮的旅館(Markland Hotel)辦理check in時
，已經欲翻點啦！
老友Eric san翁仔某已經在旅館等候2點鐘，因為無法度連絡，對in實在真歹勢啦
！Eric san替阮準備：礦泉水、雞卵糕、泡麵、橘子、草莓、金棗等水果和一寡仔
糖仔餅，嘛愛感謝in的好意，因為in的經驗，所攢的物件真周全，在後來的行程中
幫助真大‧
坐11點半鐘的飛行機和2點鐘的車，嘛是有稍可仔悿囉！不過，因為時差的關係，無
什想欲睏；即陣在LA是半暝01:30，但是，在台灣是早時10:30啊！無睏嘛﹝勿會﹞
用哩，因為明仔早是06:30morning call耶！