jimmycmlin的部落格

台語文~~~~~果子仔店~~~~~遊子
台灣的土地真肥，天氣搁好，農民攏認真﹝扌卜﹞拼做‧
農業技術嘛一直佇研究改良，所以，出產著真濟好食的果子‧
由台灣頭到台灣尾，一踏入果子仔店，就會當看到遮濟種類的果子‧
色緻真正媠，味搁芳，互人看到鼻到強﹝要卜﹞流喙水‧
價數嘛真俗，店員大聲喝，親像佇大﹝扌卜﹞賣‧
目睭一看，本島出產的果子仔有：
西瓜、木瓜、芳瓜佮水梨
﹝木羨﹞仔、芎蕉、蓮霧佮王梨
荔枝、枇杷、李仔佮水蜜桃
甘蔗、龍眼、那菝仔佮蜜棗
椪柑、柳丁、椰子佮葡萄
金棗仔、青梅仔、草莓佮楊桃
嘛有大細粒五彩的臭柿仔抑叫做柑仔蜜.
嘛有真濟進口的果子仔，有：
蘋果、榴槤、波羅蜜佮櫻桃
甜柿、酪梨、藍莓佮火龍果
亦有山竹、白柚、奇異果
咱愛感謝艱苦種做的人
嘛愛感謝研究品種改良的人
搁卡愛感謝天公伯仔的保庇
互咱年頭到年尾
隨時享受著遮濟芳甜搁媠
俗搁好食的果子