jimmycmlin的部落格

台語文~~~~~斑芝花~~~~~遊子
天氣漸漸燒熱囉！
路上兩爿懸大的樹仔頂‧
掛著真濟大蕊細蕊的花蕊‧
有金黃色的，有卡淺的黃色，嘛有柑仔色‧
好天的時陣‧日頭若照，夯頭一看---.
兩﹝辶爪﹞金熾熾的巡，透甲天尾邊‧
排佇青色的天頂佮白色的雲中‧
互人看著真輕鬆，真清爽‧
伊的花子親像棉仔花‧
風姨的喙，若是稍可仔開，微微歕‧
就佇空氣中浮東飄西走南行北‧
有過敏體質的人那吸到.
就會交嗆一直﹝扌卜﹞﹝勿會﹞停‧
大雨那來潑.
﹝人因﹞就落落土跤滿滿是‧
車輪仔由頂面無情﹝車冓﹞過‧
過路人嘛由頂面踏過.
互﹝人因﹞趴佇土跤，變做糊糊糊 ‧
無細膩的人就會滑倒‧
伊是互人真甲意佮愛惜的花蕊‧
嘛是惹人怨的花蕊‧
大家叫伊~~~木棉花.
其實,
伊就是咱本來佇叫的~~~斑芝花.
斑芝花開，就表示熱天無遠啊啦！
補註：斑芝花的相關資料‧斑芝屬木棉科，樹身直立有瘤刺，
看起來會驚人，不過無真尖，樹枝成水平式展開，樹仔懸有
十至二十尺；花期佇2~4月，是橙黃色抑是橙紅色，花盛開
時攏全無樹葉，花期了後結草橄仔形的蒴果，內面有棉仔毛，
因為樹身懸又直立，花蕊大開的時互人感覺真堅強，所以又
搁有英雄樹的稱呼‧