台語文~~~我學河洛語的過程佮心得~~~遊子
生蹛佇台灣一塊土地嘛幾十年啊，雖然喙講河洛話，不搁，不知影台灣文﹝要卜﹞
安怎寫，心內有疑問，找無解答說明的方法，因為，官方盡止講台灣話佮唱台語歌，
心內實在真鬱﹝忄卒﹞‧2001年拄到教育部﹝會卜﹞辦鄉土語言支援人員考試的機會，
我嘛拄好由公司退休落來，就報名參加，遮開始找資料認真讀，遮開始漸漸進入咱台灣
語文的世界，一點一滴去﹝言別﹞伊‧一路行來，除了自我研習以外，嘛有幾位仔先進
的指導，互我進步搁卡緊‧即嗎，感覺有淡薄仔心得，講出來互大家參考‧
其實由歷史來看，漢字系統的語言真濟，親像：北京語﹝台灣現在的國語抑是中國的
普通話﹞、河洛語、客家語、廣東話、日本語、韓國語、越南話---等等攏是，只是，因
為環境的演變，日本語發展為平假名、片假名與漢字併用系統；韓國話因為排外，禁止
用漢字佮日文，全用諺文；越南則受法國統治百年，全面改為教會羅馬字系統﹝教羅﹞
；佇台灣因為四百年來，前後有西班牙、荷蘭、明朝、清朝、日本國來管轄過，所以，
台灣語文發展出教會羅馬字系統，日本字發音系統佮保留本來的漢字，後來的中國國民
黨受同盟國指派為代表來台灣授降，結果，佇中國共產黨變強，將中國國民黨﹝扌卜﹞敗
中國國民黨全面退來台灣，乞食趕廟公，佔著變主人，互台灣人進入另外一段烏暗的日子
，互台灣話將﹝會卜﹞化去‧
咱知影河洛語是漢文的系統之一，﹝會卜﹞學就﹝勿會﹞感覺困難‧除了強勢語言以外，
攏愛先學好音標，做好拼音的基礎訓練遮對‧以河洛語來講，音標系統有：烏字十五音、
教會羅馬字﹝教羅﹞、改良式羅馬字﹝台羅TLPA﹞、注音符號式、國際音標式、日文字
母式，通用羅馬字式---等等，無管佗一套攏無要緊，只要將﹝辶系﹞套學互熟，一樣通百
項通，就攏無問題啦！
河洛語和北京語無共款的所在有：
北京語只有四聲調，陰平、陽平、陽上、陽去；有捲舌音，變調非常少‧
河洛語有八個聲調，陰平、陰上、陰去、陰入、陽平、陽上、陽去、陽入，尤其入聲是
自古早就有的短促音抑是講束喉音，日語嘛有保留著喔！另外有合唇音，鼻音，無搁無
捲舌音；亦有愛變調，這嘛是就早就有的‧講起來正經真趣味‧無像北京語，經過真濟
擺的外族侵入，語調愈變愈簡單，所以，入聲無去啦‧
逐種語言攏有無共款的特色，德語法語分陰性陽性和中性；日語有現在式過去式佮未來
式，抑有懸低音調；英語嘛有現在式過去式佮未來式佮重音節‧逐種語言嘛攏有共音無
共字抑是共字無共音的情形，咱知影安呢了後，來學河洛語就﹝勿會﹞感覺困難抑是奇
怪，真緊就會當接受伊，學會曉啦！
留言列表
