台語文~~~~~生理囝歹生~~~~~遊子
會記得阿爸定定講互阮聽的代誌，就是講阿公﹝辶乞﹞當時是散赤人，無法度互伊讀尚
濟冊，所以，國校仔畢業就直接進入“三重埔大學”‧由八德的磚仔窯的囝仔工做起；
頭家看伊認真﹝扌卜﹞拼，真甲﹝口阿﹞咾，無外久就甲升級做外交，去外頭招生理兼
收錢；阿舅仔嘛認為這個少年人做人老實、認真﹝扌卜﹞拼、真實在又搁身體好，才會
牽成贊許阿爸佮阿母的婚事‧成家了後，阿爸知影食頭路不是永遠的，時機若到，應該
愛家己出去創業才是頭路，才有前途‧佇大兄出世前，阿爸和阿母參詳，就兩人共心，
﹝要卜﹞將烏土變黃金‧傾淡薄仔本錢，佇1939年3月14日(昭和14年)，就是阿爸23
歲時開始創業‧共這年拄好續落做老爸，到即馬算起來有60外年囉！
﹝要卜﹞選什行業卡好呢？佇﹝辶乞﹞個二次大戰猶未煞，逐項物件攏真欠，有的物件
無好追貨，阿爸搁想到愛﹝勿會﹞墺﹝勿會﹞臭、﹝勿會﹞退流行、﹝勿會﹞壓真濟本
錢，愛家家戶戶，年頭冬尾，時時刻刻攏用會到；又搁愛伊有熟的行業，想真久，尚尾
就選“建築材料”‧由紅毛土、石灰、石粉、紅磚仔、紅茨瓦、烏的日本茨瓦、蔴絨、
甘蔗板、三夾板、耐火磚、耐火土等等開始買賣，生理愈做愈大，物件項目愈來愈增加，
區域嘛愈來愈闊；北爿做到基隆宜蘭，南爿去到苗栗台中‧阿爸透早走從到透暗，頭家
兼薪勞，校長兼摃鐘；阿母顧後頭，顧店面、飼囝教囝、服侍阿媽，又搁飼雞鴨仔，嘛
有飼過豬母生過豬仔囝喔！阿爸和阿母，一個外一個內，共心﹝扌卜﹞拼，配合甲真好
勢‧漸漸提到真濟間的地區代銷權，親像：台灣水泥、嘉新水泥、林商號合板、金錢牌
石棉管、石棉瓦、烏紙--等等，名聲愈做愈響‧到尾仔，互同業會員推選做公會的領導
者--理事長，服務搁卡濟人‧
阮就細漢開始就目睭看、耳仔聽，由阿爸做生理的日常生活中，學到真濟趣味佮有意義
的經驗，對阮的生長過程幫助真大，互我感覺正經是“生理囝歹生”‧即馬我將會記得
的代誌甲寫落來‧
(1).買賣算分，相請無論‧阿爸對學校、寺廟抑是社會團體的公益寄付，攏輸人不輸陣‧
不過，做生理買賣，一角五分攏算甲真清楚，互相無相偏‧這嘛是公私分明的概念‧
(2).庫存量的管理控制‧會當用別人的場所做倉庫，就是減少咱的倉庫空間，接近零庫
存的概念‧貨物愛保持早入早出，才﹝勿會﹞互物件囥甲過期變歹，無人買；人客入門
，儘量愛應付甲夠‧這就是現代的一擺買足，便利商店的概念‧
(3).正當做事，免驚人笑‧阮兄弟姊妹卡大漢的攏嘛有湊送貨的經驗，有時用行路，有
時用跤踏車，嘛有踏三輪車喔！會記得大姊頭一擺不敢送貨，驚互人笑，阿爸就講360行
，咱作的是正當行業，無共人偷抑不是搶，嘛不是共人分，有什歹看？誰會笑咱？咱嘛免
驚人笑！只要做互正，認真拼，360行，行行出狀元‧
(4).基本的禮貌愛做互好‧每工早起，阮兄弟姊妹攏分配無共的工課，掃塗跤、拭桌椅、
洗茶甌、茶壺、泡茶等等，阿爸阿母攏會檢查看有做好麼？掃塗跤愛掃桌跤掃壁邊，這才
是做代誌的眉角‧由細的所在做好，任何代誌的眉角才掠的到‧早睏早起，﹝勿會﹞當睏
到日頭曝尻川；對人愛好禮，有買無買攏愛說謝‧咱無的物件，愛甲人會失禮‧這個好習
慣，互阮感到真受用，阮嘛繼續留落來教阮的序細‧
(5).腦筋愛轉卡緊，會曉變巧‧市場行情的起落，新產品的上市，消費者的性格趣味，愛
進卡濟貨的時，愛搶貨；利純好的愛賺，大色貨減賺無要緊，貨物流通緊，才﹝勿會﹞壓
本錢；判斷正確看有準，跤手緊才有法度賺到錢‧
(6).人言為信，做人做事一定愛有信用‧物件的品質，交貨的時間，買賣的價數，攏一定
照約束；抑準有頂手造成不便，趕緊向人客解釋協調，信用好，人客會一個報一個來交關
，生理就愈來愈旺囉！
(7).勤儉上重要，流汗錢才留會﹝止周﹞‧生活中只要肯用腦筋，認真﹝扌卜﹞拼，骨力
做，儉儉仔用，過日子一定無問題‧店號叫做“日春”，就是每工每日用完攏有賰，只是
賰濟抑是賰少‧不過，絕對毋通甲人做保，抑無會受牽連，家賄散了了喔！佇店內壁頂一
直貼有“請寬諒力量不足保證一切謝絕”的字條，一直到出學校入社會工作，才了解真正
的意思‧阮嘛攏照阿爸的教示去做‧朋友做伙，先小人後君子‧受用不盡‧
(8).隨時充實家己的能力，機會來才掠會到‧這就是終身學習概念‧阿爸嘛講：小富由勤
儉，大富由天‧人的一生中至少有一擺賺大錢的機會，機會若來，咱是不是有飽學甲掠互
﹝止周﹞！所以，實力佮判斷力真要緊‧
(9).創業維艱，守成不易‧俗語講：少年拼出名，食老惜名聲‧做頭路嘛共款，開始創業
困難真濟，不過，生理成功，發財賺到錢時，愛守會﹝止周﹞才是正經厲害，真正﹝敖﹞
！看到真濟人賺到錢時，開錢大把，花天酒地，博儌包飼細姨，駛高級車，無所不為；
尾阿，頭路失敗抑是家賄散了，酒肉朋友四散，某囝毋參伊，想﹝要卜﹞﹝口林﹞一杯
茶嘛無！食老才悽慘‧這種例實在是﹝勿會﹞少‧
(10).賣的是師仔，收到錢才師父‧毋通貪做目睭看無金，抑無就想貪戴雞籠‧實實仔做
，恬恬仔賺卡實在‧一佰賒卡輸五十現，收到支票時，日期、金額、發票人的簽名、印仔
、過去的信用怎樣？有畫巡無？攏愛檢查清楚；抑無就做白工，甚至提錢去貼人‧
阮兄弟姊妹就細漢受阿爸阿母的教示，學阿爸做生理的精神，學阿母勤家的精神，一直
到轉大人，不管是食別人的頭路，留佇店内幫忙湊做抑止家己去創業，照阿爸阿母的精
神，踏實仔做，攏嘛綴會到時代，幫助真大‧阿爸的生理路，自頭到尾攏真成功，是阮
這序細的好模樣‧人講：生理囝歹生‧實在有影！阿爸正經無簡單！
會記得阿爸定定講互阮聽的代誌，就是講阿公﹝辶乞﹞當時是散赤人，無法度互伊讀尚
濟冊，所以，國校仔畢業就直接進入“三重埔大學”‧由八德的磚仔窯的囝仔工做起；
頭家看伊認真﹝扌卜﹞拼，真甲﹝口阿﹞咾，無外久就甲升級做外交，去外頭招生理兼
收錢；阿舅仔嘛認為這個少年人做人老實、認真﹝扌卜﹞拼、真實在又搁身體好，才會
牽成贊許阿爸佮阿母的婚事‧成家了後，阿爸知影食頭路不是永遠的，時機若到，應該
愛家己出去創業才是頭路，才有前途‧佇大兄出世前，阿爸和阿母參詳，就兩人共心，
﹝要卜﹞將烏土變黃金‧傾淡薄仔本錢，佇1939年3月14日(昭和14年)，就是阿爸23
歲時開始創業‧共這年拄好續落做老爸，到即馬算起來有60外年囉！
﹝要卜﹞選什行業卡好呢？佇﹝辶乞﹞個二次大戰猶未煞，逐項物件攏真欠，有的物件
無好追貨，阿爸搁想到愛﹝勿會﹞墺﹝勿會﹞臭、﹝勿會﹞退流行、﹝勿會﹞壓真濟本
錢，愛家家戶戶，年頭冬尾，時時刻刻攏用會到；又搁愛伊有熟的行業，想真久，尚尾
就選“建築材料”‧由紅毛土、石灰、石粉、紅磚仔、紅茨瓦、烏的日本茨瓦、蔴絨、
甘蔗板、三夾板、耐火磚、耐火土等等開始買賣，生理愈做愈大，物件項目愈來愈增加，
區域嘛愈來愈闊；北爿做到基隆宜蘭，南爿去到苗栗台中‧阿爸透早走從到透暗，頭家
兼薪勞，校長兼摃鐘；阿母顧後頭，顧店面、飼囝教囝、服侍阿媽，又搁飼雞鴨仔，嘛
有飼過豬母生過豬仔囝喔！阿爸和阿母，一個外一個內，共心﹝扌卜﹞拼，配合甲真好
勢‧漸漸提到真濟間的地區代銷權，親像：台灣水泥、嘉新水泥、林商號合板、金錢牌
石棉管、石棉瓦、烏紙--等等，名聲愈做愈響‧到尾仔，互同業會員推選做公會的領導
者--理事長，服務搁卡濟人‧
阮就細漢開始就目睭看、耳仔聽，由阿爸做生理的日常生活中，學到真濟趣味佮有意義
的經驗，對阮的生長過程幫助真大，互我感覺正經是“生理囝歹生”‧即馬我將會記得
的代誌甲寫落來‧
(1).買賣算分，相請無論‧阿爸對學校、寺廟抑是社會團體的公益寄付，攏輸人不輸陣‧
不過，做生理買賣，一角五分攏算甲真清楚，互相無相偏‧這嘛是公私分明的概念‧
(2).庫存量的管理控制‧會當用別人的場所做倉庫，就是減少咱的倉庫空間，接近零庫
存的概念‧貨物愛保持早入早出，才﹝勿會﹞互物件囥甲過期變歹，無人買；人客入門
，儘量愛應付甲夠‧這就是現代的一擺買足，便利商店的概念‧
(3).正當做事，免驚人笑‧阮兄弟姊妹卡大漢的攏嘛有湊送貨的經驗，有時用行路，有
時用跤踏車，嘛有踏三輪車喔！會記得大姊頭一擺不敢送貨，驚互人笑，阿爸就講360行
，咱作的是正當行業，無共人偷抑不是搶，嘛不是共人分，有什歹看？誰會笑咱？咱嘛免
驚人笑！只要做互正，認真拼，360行，行行出狀元‧
(4).基本的禮貌愛做互好‧每工早起，阮兄弟姊妹攏分配無共的工課，掃塗跤、拭桌椅、
洗茶甌、茶壺、泡茶等等，阿爸阿母攏會檢查看有做好麼？掃塗跤愛掃桌跤掃壁邊，這才
是做代誌的眉角‧由細的所在做好，任何代誌的眉角才掠的到‧早睏早起，﹝勿會﹞當睏
到日頭曝尻川；對人愛好禮，有買無買攏愛說謝‧咱無的物件，愛甲人會失禮‧這個好習
慣，互阮感到真受用，阮嘛繼續留落來教阮的序細‧
(5).腦筋愛轉卡緊，會曉變巧‧市場行情的起落，新產品的上市，消費者的性格趣味，愛
進卡濟貨的時，愛搶貨；利純好的愛賺，大色貨減賺無要緊，貨物流通緊，才﹝勿會﹞壓
本錢；判斷正確看有準，跤手緊才有法度賺到錢‧
(6).人言為信，做人做事一定愛有信用‧物件的品質，交貨的時間，買賣的價數，攏一定
照約束；抑準有頂手造成不便，趕緊向人客解釋協調，信用好，人客會一個報一個來交關
，生理就愈來愈旺囉！
(7).勤儉上重要，流汗錢才留會﹝止周﹞‧生活中只要肯用腦筋，認真﹝扌卜﹞拼，骨力
做，儉儉仔用，過日子一定無問題‧店號叫做“日春”，就是每工每日用完攏有賰，只是
賰濟抑是賰少‧不過，絕對毋通甲人做保，抑無會受牽連，家賄散了了喔！佇店內壁頂一
直貼有“請寬諒力量不足保證一切謝絕”的字條，一直到出學校入社會工作，才了解真正
的意思‧阮嘛攏照阿爸的教示去做‧朋友做伙，先小人後君子‧受用不盡‧
(8).隨時充實家己的能力，機會來才掠會到‧這就是終身學習概念‧阿爸嘛講：小富由勤
儉，大富由天‧人的一生中至少有一擺賺大錢的機會，機會若來，咱是不是有飽學甲掠互
﹝止周﹞！所以，實力佮判斷力真要緊‧
(9).創業維艱，守成不易‧俗語講：少年拼出名，食老惜名聲‧做頭路嘛共款，開始創業
困難真濟，不過，生理成功，發財賺到錢時，愛守會﹝止周﹞才是正經厲害，真正﹝敖﹞
！看到真濟人賺到錢時，開錢大把，花天酒地，博儌包飼細姨，駛高級車，無所不為；
尾阿，頭路失敗抑是家賄散了，酒肉朋友四散，某囝毋參伊，想﹝要卜﹞﹝口林﹞一杯
茶嘛無！食老才悽慘‧這種例實在是﹝勿會﹞少‧
(10).賣的是師仔，收到錢才師父‧毋通貪做目睭看無金，抑無就想貪戴雞籠‧實實仔做
，恬恬仔賺卡實在‧一佰賒卡輸五十現，收到支票時，日期、金額、發票人的簽名、印仔
、過去的信用怎樣？有畫巡無？攏愛檢查清楚；抑無就做白工，甚至提錢去貼人‧
阮兄弟姊妹就細漢受阿爸阿母的教示，學阿爸做生理的精神，學阿母勤家的精神，一直
到轉大人，不管是食別人的頭路，留佇店内幫忙湊做抑止家己去創業，照阿爸阿母的精
神，踏實仔做，攏嘛綴會到時代，幫助真大‧阿爸的生理路，自頭到尾攏真成功，是阮
這序細的好模樣‧人講：生理囝歹生‧實在有影！阿爸正經無簡單！
全站熱搜
留言列表
