jimmycmlin的部落格

新聞辭典~~~~~做伴的動物~~~~~遊子
以前，咱將飼佇茨內的狗仔、猫仔抑是兔仔等等的動物，攏甲﹝人因﹞
叫做寵物‧不過，即馬這個名詞已經過時囉！即馬全世界攏將﹝人因﹞
叫做~~做伴的動物(companion animal).
做伴的動物的意思就是講需要時陣互相陪伴的動物‧這個講法尚早是
由歐洲做起頭，因為生物學家認為，飼佇茨內的動物並不是用來寵的，
人和﹝人因﹞的互相中間並無寵愛的關係，卡正確來講應該是互相做伴
；另外，生物學家嘛漸漸發現到動物佇陪伴人的時，親像有治療人的
寂寞的作用‧甚至會當變成一種心理治療法，所以，用做伴的動物這
個名詞卡適當佮符合實情‧拄好嘛和雞、鴨、鵝、豬等等，用來販賣的
經濟動物做一個對比‧
所以講就即馬開始，你抱恁兜飼的動物出門的時，不管是狗仔、猫仔、
兔仔、鳥仔、山豬、鳥鼠仔抑是其他的動物，毋通搁講：伊是阮兜的寵
物‧應該講：伊是和我做伴的動物喔！