jimmycmlin的部落格

新聞辭典~~~~~除冰套~~~~~遊子
今仔日的新聞有寫著：佇空中除冰套突然脫落，弄破窗仔門的玻璃，不得不迫降---.
的空安意外報導‧互人看到真驚惶‧什是“除冰套”？
飛行機佇飛行過程中，因為佇幾萬英尺赫呢懸的空中，機翅定定會發生積冰，影響到
飛行安全，所有的民航機攏有裝除冰設備；除冰方式包括：用直流電加熱化冰，抑是
用除冰套除冰‧今仔日的新聞報導的就是後一種‧
除冰套是一條中央空的樹奶管﹝橡皮管﹞，裝佇機翅的前緣、發動機的周圍 抑是螺旋
槳 的葉仔片四周圍；伊的除冰原理真簡單，抑準佇機翅的前緣積冰時，利用增加氣壓
互除冰套進行機械式膨脹起來，就會當將機翅頂的冰撐開弄碎，互結冰角脫離機翅頂
，解除積冰的情況‧
專業人士講：除冰套上大的缺點是真容易受到腐蝕，破空和脫黏‧尤其螺旋槳 型的飛
行機﹝像福克50型﹞，無法度提供大量的燒空氣去進行機翅除冰；除冰設備使用率真
懸，耗損嘛真緊，雖然一般有5年的使用期限，有經驗的維修人員，攏會特別檢查，避
免佇飛行中脫落‧