用藥保健~~~~~高脂血症﹝血濁﹞的預防佮治療~~~~~~~~遊子
高脂血症﹝血濁﹞，嘛已經是算做現代文明病的一種，就是佮食好、做輕可和欠運動有關係‧
發病的年歲嘛因為西方式速食﹝炸雞、蕃薯條﹞的普遍化，愈來愈少年囉！甚至有囝仔人就是病人啊！
咱即馬就來甲認識搁了解看邁‧
佇咱的血內面有3項物件：膽固醇(Cholesterol),三酸甘油酯(Triglycerides)和磷脂質(Phosphorlipids)‧
這3項脂質(Lipid)中和高脂血症﹝血濁﹞卡有關係的是頭仔兩項‧脂質佇血內面﹝勿會﹞當自由自在走來
走去活動，一定愛和血漿卵白質(Hemoprotein)結合﹝像：白卵白/Albumin;球卵白/Globulin.﹞這個
結合物就是脂卵白(Lipoprotein)，因為密度無共款，所以又分作：高密度脂卵白(HDL,hight density
lipoproteins)和低密度脂卵白(LDL,low density lipoproteins)；由這個脂卵白來做運輸和代謝的工課‧
(1).什是高脂血症？安怎才是血濁？
一般血內面的總膽固醇(Total Cholesterol)抑是三酸甘油酯(Triglycerides)的濃度增加升懸，就診斷
是這種病症；不管是高膽固醇血症抑是高三酸甘油酯血症，攏嘛是引起動脈硬化的危險因素‧正常大人
血內面的濃度：以毫克/100毫升(mg/100ml)標示，A:無禁食B:禁食12點鐘以上
總膽固醇:A正常:240.
低密度脂卵白：A正常:160.
三酸甘油酯:A正常:400.
佇血內面的低密度脂卵白的濃度相懸卡會引起冠狀動脈硬化和其他的心臟病，所以甲叫做歹的膽固醇；
相對的高密度脂卵白算是好的膽固醇；抑是血內面的總膽固醇濃度超過200,而且低密度脂卵白濃度超過
130的時，就叫做高膽固醇血症；抑是三酸甘油酯濃度超過200的時，就叫做高三酸甘油酯血症‧這兩種
病就是咱所講的“血濁”，其實攏嘛是因為飲食控制了無好才造成的，咱逐家愛卡注意啊！
(2).高脂血症﹝血濁﹞的治療法‧
有病互醫生看，用藥仔問藥師‧這個保健原則不管什物病症攏共款；醫生看了後開藥單，才去恁兜附近
的健保藥局提藥仔，愛安怎食藥仔，藥袋仔愛看互清楚，有無了解的，就問藥師就對啦！
(3).高脂血症﹝血濁﹞安怎來預防？
上重要的除了以前講過的“運動33制”以外，就是日常飲食的控制啦！嘛愛維持理想的體重‧
a). 理想體重的計算法：22x身懸﹝公尺﹞x 身懸﹝公尺﹞；加減10%為理想範圍‧超過 10%者，就愛
減重，對 高脂血症﹝血濁﹞的改善才有幫助‧
b).控制油脂的食用量：油炸油煎油穌的食物食卡 少，豬皮雞鴨仔皮上好﹝勿愛﹞食‧
c).炒菜儘量用不飽和脂肪酸卡懸的植物油，像：葵花油、菜仔油、橄欖油、大豆油等等，動物油 上好
﹝勿愛﹞用‧
d).膽固醇含量懸的食物嘛毋通食相濟，像：腹內﹝腦髓、肝、腰子﹞、卵仁、魚卵、蝦仔卵、蟹黃‧
e).含高纖維的食物愛加食寡，青菜水果無加工的豆仔類全穀類﹝糙米、胚芽米、麥仔片﹞‧含有卡懸
的omega-3脂肪酸(EPA'DHA)的魚仔類，像：秋刀魚、鮪魚、鮭魚、白鯧等等，愛食卡濟‧
f).保持適當的生活習慣，戒菸，酒﹝口林﹞淡薄仔就好，定時運動，調整工作壓力；賺錢有數，性命
愛顧‧
留言列表
