jimmycmlin的部落格

用藥保健~~~~~霍亂﹝Cholera﹞~~~~~遊子
台灣自2000年來到今仔日2005/06/23.發生第一例本土性的霍亂﹝Cholera﹞
病例‧霍亂是一種突然發生的急性細菌性腸仔炎；潛伏期為幾小時到5工，一般
來講是2-3工，典型的病症是無痛性大量像米湯共款的漏屎﹝腹瀉﹞，有時佮有想
﹝要卜﹞吐，造成脫水，酸中毒和循環衰竭，卡嚴重無治療的患者，可能佇幾點
鐘內死亡，致死率超過50%喔！不過，抑是有緊互伊適當的治療，會當降到1%
以下‧民眾嘛毋免相過驚惶‧
霍亂是經由病人和帶菌者的糞便，吐出物，污染的食物、飲用水，手指頭等等的
傳染，嘛會經過胡蠅、虼﹝崇蚤﹞做為媒介，其中以水源污染上嚴重‧
霍亂弧菌主要生存佇海水，人類是唯一的宿主，一般是因為生食受污染的水產品
才感染到；以前有發生過鱉﹝甲魚﹞等水產品檢驗出霍亂弧菌，全部攏愛銷毀掉‧
為了避免感染霍亂，衛生署疾病管制局呼籲民眾，食物一定愛充分煮互熟，毋通
食生冷的食物，一般只要60度滾30分鐘就會當完全殺菌‧隨時保持好的個人衛生
習慣，去便所了後，食飯、食物件前，攏一定愛洗手‧
世界衛生組織(WHO)將根據疫情是不是有散佈出去，短時間內是不是有法度控制
，才決定﹝辶乞﹞個地方是不是疫區‧