jimmycmlin的部落格

台語文~~~~~Xmas是縮寫抑是代寫~~~~~遊子
最近因為聖誕節欲到囉，所以，攏一直佇教學生囡仔唱”歡喜聖誕節”，就是
台語版的”Jingle Bells”，由1年仔到4年仔攏有，逐個真愛唱，1次復1次
，唱﹝勿會﹞煞‧我嘛暫時做聖誕老阿伯，分糖仔予逐個，有人有份，物件無
濟，誠意食喙甜，逐個歡喜就好！
我問學生囡仔講：咱佇街仔路的百貨公司、餐廳、禮品店，定定看到紅布條亦
是彩色霓虹燈，將 ”Merry Christmas”寫做” Merry X’ mas”，嘛有
的是寫做 ” Merry Xmas”‧Christ是指耶穌基督，mas是mass的簡單寫，
是彌撒的意思；按呢，到底叨一款才是正確的寫法？結果，95%以上選"X'mas”
，只有5%選”Xmas”；朋友啊！恁臆看到底叨一項才對？
咱知影逐種文字攏有”代寫”佮”縮寫”的方式，到底有什麼無共款？
代寫(Replace)：是2字以上的簡單寫法，親像：I am寫作I’m, do not 寫作don't,
thank you 寫作thankyu , Motor Hotel寫作Motel 等‧
在華語的漢字嘛有，親像：不用寫作甭，上下寫作卡，不正寫作歪，這樣寫作
醬、降(這是網路頂流行的寫法)等等‧
在台語的漢字嘛有，親像：不會寫作(勿會)，不要寫作(勿愛)，即馬寫作進
(zin) 等等‧
在日語嘛有，主要用在外來語，親像：super market寫作supa，personal
computer 寫作pasocom ( PC )‧
縮寫(Abbreviation)：是1字的字母真長，將伊切斷寫出，像：Telephone寫作
Tel.，photograph寫作photo / foto ，Facsimile寫作 Fax. Television
寫作TV，U.S.A.等等‧原本的規則，縮寫時在上後壁要點一點”‧”，後來，抑
準上尾縮寫的字母和無縮寫的字母相共時，就毋免在上後壁點一點”‧”，親像
：Dr(Doctor);Mr(Mister);Mrs(Mistress)等等；既然是縮寫，所以，咱就了
解Christmas寫作Xmas才是正確的喔！既然是縮寫，(‘)hit點就毋免寫出來，
是毋是？抑是毋相信，會當去查英文字典看覓喔！英文字典內底只有Xmas爾爾耶！
不過，上早在非基督教地區，用Xmas是帶有看輕的意思，後來因為希臘文的
Christ嘛是寫作Xristos，才予基督教接受Xmas的寫法；所以，在正式的場面
亦是寫出 ”Merry Christmas”卡好啦！