台語文~~~~~山頂的蕃薯仔園區~~~~~遊子
配合政府的新政策和個人的都合佮興趣，投入鄉土語言台語領域的教學工作，嘛已經幾仔年啦！
這學期課數雖然無濟，不過，又有台語專用教室，吳主任嘛建議講：是毋是將台語專用教室稍可
仔整理佈置著，來引起學生囡仔對學台語的趣味‧其實我算是兼業爾爾，是摸蜊仔兼洗褲啦！既
然主任建議囉，就動腦筋，請(尾子)查某囝幫忙寫大字和設計電腦藝術字，頭頂想講用」蕃薯仔
園區」做看板，因為台灣的圖形親像蕃薯，咱台灣人嘛慣習叫蕃薯仔，雖然，400年來經過真濟
艱苦，不過：蕃薯毋驚落土爛，只求枝葉代代湠‧
園區底欲下什麼肥料呢？予園子內有物件予學生囡仔愛瀏覽欣賞？其實，台語文和任何的語文共
款，捷講就順嘴又滑溜，嘴內講的用手寫出來，就是予人看的物件，所以，會當表現在逐方面，
包括在：散文、囡仔詩、七字仔詩、數學、天文、地理、新聞、科技、臆謎猜、講笑科、講古冊
、吟唱唐詩等等‧希望會當引起學生囡仔對學台語的趣味，嘛會當貼上學生囡仔的台語文作品，
予園子內的物件愈來愈濟，愈來愈鬧熱‧
目前先貼出來的物件有：
(1).咱台灣的驕傲~~蔣渭水高速公路的雪山磅空：在世界性的電視探索頻道(Discovery)有紹
介過2次喔！相信真濟人看過亦是行過啦！
(2).台灣的意象：予外國人一看到會當隨想到咱台灣，經過投票，有布袋戲、玉山和台北101摩
天大樓；另外，觀光夜市的台灣美食、十字路口會轉動的細仙青色人‧
(3).七字仔詩：有1篇風吹；即馬拄仔好是秋天，好天風又大正是放風吹的時陣‧
(4).散文：有放風吹和無言的目屎等2篇，俗語講：巧的放鳥飛，憨的飼老父‧文章真予人感動
，看完會目箍紅喔！
(5).用藥保健：咱身體健康才是一切的根本，咱去病院予醫生看，去藥局買藥仔，嘛是講台語啊
！踮遮貼出和每1人攏有關係的：血型的配對‧
(6).吟唱唐詩：貼上楓橋夜泊/張繼作、寒食/韓翃作、月夜/劉方平作、春怨/劉方平作等4篇，
用台語來吟唱唐詩攏有押韻，真順嘴喔！
(7).臆謎猜：有10條題目在頂面，一定要用台語去唸和想，才有法度臆出來，臆對有賞耶！
嘛已經有學生囡仔臆對囉！嘛提到紀念品‧
(8).古冊講解：貼上莊子講消遙遊內的1篇"惠施的大葫蘆"，大葫蘆到底是有路用抑是無路用
？請你有閒來看莊子按怎講？
(9).囡仔詩：有1篇蟬；熱天拄仔過了，熱天時逐家一定聽過蟬的叫聲‧
(10).電腦科技：有1篇講到部落格(Blog.)，這是最近2年來發展上緊，上濟人參與，無分歲數
、人種、國家、日時、暗時的限制，你知影什麼是部落格(Blog.)？
(11).站在台灣看全世界：以台灣為中心點，予學生囡仔有國際觀、世界觀‧
(12).認識咱所蹛的故鄉，真嫷喔！予學生囡仔知影家己所蹛的故鄉~龜山鄉，有什麼特別的所在
，好景緻按怎去？培養愛家己故鄉的情意‧
希望貼出來的資料，學生囡仔有趣味來看，無瞭解、﹝勿會﹞曉讀、毋知意思的時陣，攏隨時歡
迎提出來討論，按呢，咱逐家互相才會進步‧
留言列表
