台語文~~烘鴨--無共的滋味－jimmycmlin的部落格

台語文~~~~~烘鴨--無共的滋味~~~~~遊子
鴨子提來做料理，在世界出名的有：烘鴨、鴨賞、肝醬等等‧肝醬是法國料理重要的食材，
咱宜蘭外銷真濟；鴨賞亦是宜蘭的特產，烘鴨就以北京烘鴨、廣東烘鴨上出名‧在台灣的街
仔路，定定會當看到」烘鴨兩食」的看板，價數嘛真大眾化，以即馬的物價標準來看，1隻
由260~340箍不等，看所在和烘法、飵料等等，由消費者家自的選擇；在北京是全聚德餐廳
的烘鴨上頭名，在台灣有幾仔所在餐廳的烘鴨攏真出名，最近查某囝和囝婿就請全家去台北
市龍都餐廳享受到無共滋味的~~烘鴨‧有影是和一般街仔路的烘鴨無共喔！衛生、價數、服
務、食落的滋味、臨場的氣氛感覺等等‧咱來比較看：

衛生來講：一般街仔路的烘鴨攏是半開放式，車輛走過土粉仔飛，濟少會加淡薄仔落去；價
數卡俗是無話講，片鴨時卡粗片，攏是帶返去茨內享用‧
咱來看在龍都餐廳食的烘鴨，有什麼無共的所在？
賞鴨：起頭是目睭的享受，歸隻烘鴨囥在細台車上，搠來桌邊予人客欣賞瀏覽著，金黃色烘
甲勻勻，看起來就是好食款‧烘鴨的盤子是紅辣椒皮套在蔥仔白外和搵醬配料，紅色、白色
、咖啡色，配合著真嫷‧

片鴨：服務人員手戴手套，刀子看是真利；先(尞刂)鴨皮才(尞刂)鴨肉，伊先問講欲去油無
？原來是皮和肉中間有淡薄仔淺黃色的脂肪，敢食的人認為真讚！不過，即馬，大部份的人
驚血油傷懸，亦是(勿愛)食卡好啦！(尞刂)落來的鴨皮，四四角角，透光透光，是膠原卵白
的好材料，排在盤子的外箍；正中央囥(尞刂) 落來的鴨肉，嘛是薄薄仔，1片1片排起來，
歸盤看來就是好食樣‧
嘴舌鼻的享受：用薄薄薄的潤餅皮，先來抹搵醬配料，續落來夾鴨肉片亦是鴨皮和蔥仔白，
鼻到味腹肚就咕嚕叫，一嘴咬落去，嗯~~！芳復好食啦！在座6個人，食甲盤底空空空‧逐
個攏喝讚啦！