jimmycmlin的部落格

台語文~~~~~參加西門河洛語組研習的感想~~~~~遊子
時間過著真緊，參加西門河洛語組的研習嘛已經欲5年囉！在遮會使和學生囡仔
做伙讀河洛語，每禮拜一的晨光時間，教學生囡仔聽台語、講台語、讀台語，
互相有教學相長的效果，看到學生囡仔對台語漸漸有興趣、有進步，是予人真
歡喜的事誌‧看到按呢，只要咱大人、囡仔、茨內、校內，隨時繼續打拼落去，
就感覺台語是有救啦！


又會當和志工朋友同齊研究河洛語，學生囡仔的課本以外，猶有學到：靜思語、
節日民俗活動、童玩製作、手語、古詩詞吟唱、認識咱台灣的歷史佮地理等等，
有時陣，嘛有練習寫七字仔詩喔！因為話語是生活化的物件，無分古早亦是現代
，嘛無分地方所在，一段時間了後，予逐家學到真濟知識‧


復有機會綴學問飽飽的漢學先生認識古冊，上起頭當然是由漢學先生帶逐家來讀
，共款3年4個月，學久嘛出師，後來改由資深的志工朋友，抱著互相漏氣求進步
的精神，幾個仔輪流帶逐家來讀古冊，由三字經到幼學瓊林，最近真厚的古文觀
止嘛讀過半啦！


總講一句，有心欲研習河洛語的朋友，參加西門河洛語組是無毋對的選擇，遮的
志工朋友嘛攏是人材，最近幾年來，有人參加過桃園市、蘆竹鄉、龜山鄉和桃園
縣的河洛語社會組演講比賽，捌得到頭名亦是前幾名喔！所以，只要肯撥工，保
證隨個毋免3年4個月，攏會當出師啦！復愈學愈趣味喔！