台語文~~~~~風颱天~~~~~遊子氣象局預報：今年第一個直接對著台灣來的風颱--海棠，預定---‧
細漢囝仔聽到風颱﹝要卜﹞來，攏真歡喜‧
讀冊囝仔、食頭路的人嘛真歡喜，想講搁賺到一工通歇睏囉‧
毋過，做田的，掠魚討海的，種果子的‧
看天食飯的，攏嘛頭憂目結，煩惱﹝勿會﹞了啊！
正經講，天公伯仔嘛無好做‧
得到嫂心失姑意‧
熱天時，逐所在每工攏好天出大日頭‧
地面焦叩叩，逐家漸漸受限制用水，逐所在佇做旱的時‧
病毒病菌四界走來傳去，引起各式各樣的病症流行的時‧
滿兜位就由地方頭人代表祈雨‧
這當陣，風颱就是救苦救難的甘雨！
但是，風颱造成的災害，嘛互人真驚惶‧
尤其，這幾十年來，人類過度的開發利用大自然的資源‧
災害愈來愈嚴重，愈來愈厲害‧
土石流、山崩地裂、做大水、橋斷路斷、船翻、農作物損害‧
每擺的損失嘛攏真濟‧
無分是進步國家地區，抑是卡落伍的國家，攏嘛共款‧
雖然，咱講人定勝天‧
毋過，看到風颱造成的災害，咱甘無得到教訓‧
無好好來反省，安怎做才對‧
咱愛好好仔保惜大地，和大自然好好仔做伙‧
愛惜物資，毋通過度開發使用‧
才﹝勿會﹞害到咱後代子孫‧
恁講是毋是啊~~~!
全站熱搜
留言列表
