jimmycmlin的部落格

(頂仔是寺廟的普渡)
台語文咱的台灣~~~~~普渡~~~~~遊子
舊曆的7月又到囉！在這月內家家戶戶、寺廟、市場、病院等等公私機關單位，攏有普渡的祭拜儀式，
什麼是普渡？為什麼要普渡？

(頂仔是一般民家拜門口)
在咱民俗信仰內，有神自然就有鬼，台灣是父系的社會，只要過身後無後代序細來奉祀，亦是戰死、
冤枉死等等，攏予人看做是孤魂野鬼‧普渡的祭拜儀式，就是來賞賜無人奉祀的孤魂野鬼‧
一般人想講：孤魂野鬼平常時攏無人祭拜真可憐，所以，特別在舊曆的7月，歸個月攏準備著真濟、
真膨湃的物件，來予孤魂野鬼食，叫(人因)做好兄弟，因為無人知影好兄弟有若濟？分佈的所在有
若闊？所以，由初一到月底上尾工，由無共的公私機關單位，準備美酒好食物，來款待好兄弟，包
括往生的頭牲仔嘛攏有喔！親像答謝在研究室做犧牲的動物，為著人類的健康來犧牲；所以，普渡
表現出來的民俗精神，是對孤苦無人好倚靠的往生者的同情和慈悲，是一種博愛、大愛佮對頭牲仔
答謝的精神‧

(頂仔迎水燈排)
為什麼7月予人選做鬼月？主要是在民俗傳統，在年頭和年尾攏是敬天拜神，逐所在有做年頭戲和
年尾戲，舊曆的5月有5日節，8月拜土地公和月娘等等，攏是祈求眾神明來壓制鬼怪歹物，保佑眾
生會當平安順序過日子，7月排在半年中，又是奇數月，予人認為是凶月，所以才選定7月來做普渡
的祭拜儀式，嘛將7月叫做鬼月‧

(頂仔企立水燈排)