新聞辭典~~~~~上網成癮症~~~~~遊子
現代電子科技進步，網路科技方便發達，自小學3年開始就有電腦教網路學課程，有的囡仔
復較細漢時佇茨內就會耍電動，練甲反應真緊頭殼真巧‧所以，佇全世界來講，無分大人囡
仔亦是查埔查某，隔時無隔日，每工上網是非常普遍真正時行的代誌啦！
不過，專家提醒逐家要注意，抑無有可能得到上網成癮症喔！尤其佇歇寒歇熱時‧什麼叫做
上網成癮症？
就是無法度上網時，會出現一寡仔症頭，親像：無胃口、無想欲食物件、無想欲睏但是精神
又無什麼好、無想出門、無想欲和人講話、無想欲讀冊看電視等等，歸身人看起來真悿，有
時陣嘛出現自言自語，1個喙唸袂停，較嚴重時陣嘛出現幻聽幻覺症頭，將家己準做電動內
底的某1個角色，症頭嘛愈來愈嚴重‧即時陣一定要去病院予醫生看啦！
其實佇囡仔沉迷上網，猶未出現上網成癮症進前，會先出現一寡仔較無正常的行為，只要茨
內序大人較細膩斟酌，關心囡仔的日常生活，由一寡仔茅割就會當提早發現，親像：上網時
間愈來愈長、愈來愈無愛和人講話、每暝愈來愈暗睏、開錢愈來愈傷、精神上愈來愈煩、心
頭袂安定等等‧
無分大人囡仔，每工毋通連續上網2點鐘以上，抑無是會漸漸得到上網成癮症啊！頭殼內只
有虛擬的網路世界，和現實的日常生活脫逃，實在是嚴重無好的代誌啦！咱除了會曉上網以
外，嘛要培養其他的趣味，維持著正常的日常生活才是‧
全站熱搜
留言列表
