台語文~~~~~家庭的用藥安全~~~~~遊子
人講：平安就是福，健康百分百‧
平常時蹛佇茨內，就有真濟危險的所在要注意，親像：用水、用電、用火佮用藥---等等‧
佇用藥方面，哪無細膩，藥仔用了無拄好，會造成對健康的危害，咱要佧細膩才好‧
這食藥仔造成的中毒，會當分做三大類來說明：
(1).食墲對藥仔的中毒.(2).變成習慣性的中毒.(3).自殺的中毒.
其中和大家佇日常生活佧有關，佧會拄著的是食不對藥仔的中毒‧
這又搁會當分做七大項來講：
(1).無知的誤食.尤其是囝仔和老大人，墲知這是墲是會當隨便食的物件，提到就食‧
(2).標示無清楚的誤食.去病院看病了，提轉來的藥仔，藥袋仔頂頭寫什看攏無，抑是，
去國外佚佗時買轉來的藥仔，外國字嘛看無，墲知什意思，憨憨仔食落去就出代誌‧
(3).藥量劑量錯誤的誤食‧家己判斷病情，家己去加重抑是減輕藥量；抑是去提別人的藥仔
來食‧這攏會出代誌啦‧
(4).無保存乎好的誤食‧真濟藥仔墲是要防濕，驚濕氣就是驚曝到日頭，驚電火照著，溫度驚
尚燒，這攏會乎藥仔變質去，變歹的藥仔，食了無效顛倒有副作用喔‧
(5).過期的誤食‧藥仔囥尚久，﹝勿會﹞記得食，囥甲過期去，又墲甘﹝扌穴﹞掉，食落去
是對咱的身體無好阿‧
(6).用法墲對的誤食‧外用藥仔提來食，塞尻川的藥仔提來食，抹皮膚的藥仔提來點目﹝目周﹞，
食飯前的用佇食飯後，用果汁抑是茶米茶配藥仔食；這攏墲對啦‧顛倒會﹝扌卜﹞歹身體‧
(7).無對著病症的誤食‧親像：消炎藥分做兩類，一種是“買信”﹝抗生素﹞，專門﹝台刂﹞細菌‧
另外，一種是治消腫，無細菌的發炎‧這兩項無共款，食墲對是無好喔‧
抑準拄著食藥仔中毒時的處理方法：
(1).即時乎伊﹝口林﹞卡濟的水份‧
(2).摧吐，乎伊將食落去的藥仔吐倒出來‧
(3).乎伊活性碳，會當吸引食落去的藥仔‧
(4).找出來伊食什麼藥仔，藥罐仔抑是標示的紙條‧
(5).上好是趕緊送去附近的病院去搶救‧
以上的說明，提供乎大家參考‧感謝！
留言列表
