jimmycmlin的部落格

新聞辭典~~~~~協尋人口~~~~~遊子
咱一般所講的協尋人口是指：茨內如果有精神障礙的人亦是有失智的老大人行無去，
家屬應該趕緊隨向當地警方派出所報案，逐所在的警方機關，一旦發現到有身份不明
的老大人亦是有精神障礙的人等等，會將in的資料，親像：歲數、身高、穿著的衫仔
褲和相片等等，登錄在警政署失蹤人口、身份不明者的網站‧家屬會使進入這個網站
查詢揣看覓，運氣好的時，真緊就會當揣到行無去的親友‧
網址是：www.npa.gov.tw
其實，親像有精神障礙的人亦是有失智的老大人，上好在in的衫仔褲鏽上名和電話住
址，亦是掛手環，共款寫上名和電話住址，萬一行無去，別人看到才有法度幫忙，真
緊就會當聯絡家屬來tshua倒返去‧另外，猶未讀冊的細漢囡仔，嘛是會當按呢做喔
！萬一拍無卡有保障‧綴團去國外遊覽時，話語袂通的國家地區，用世界通用的英文
，寫好個人的名、來自台灣的紙條‧和旅館的名片囥做伙，萬一綴無到團，才有法度
倒返去旅館和人會合‧