咱的台灣香茅遊子 20090514
五日節欲到囉!家家戶戶又會當鼻到香茅的芳味,五日節hit下晝會使洗著香茅芳味的身軀,聽講予咱清氣以外亦會使去邪;香茅到底是有什麼作用?
香茅是含有香油的一種草仔類,1年會使採收2擺,佇1960年代上時行、上旺的時陣,咱台灣香茅油的產量是佔有全世界市場的7成喔!香茅的日常用途亦真闊,除了提煉精油芳水以外,嘛會當做香茅枕頭、亦會使參入做菜、做香茅火鍋料理,最近幾年逐家有環保觀念,又時行用來驅除蚊蟲等等‧
1噸的香茅只會當製造出7台斤的香茅油爾爾,咱台灣真正純的香茅油的產量是愈來愈少,價數亦愈來愈懸,所以,現此時佇市面上所買到的香茅油,濟少攏會透濫著其他物件‧
種香茅的專家講:欲分辨香茅油的真假,會當準備1個空杯子,滴下1滴香茅油,閣再用燒滾水沖予開,抑是鼻著清芳的氣味,就是真正純的香茅油,抑無,是會鼻到嗆鼻的雜味,因為是透濫著合成的化學成份所造成的啦!
文章標籤
全站熱搜
