轉載台語版的Jingle Bells聖誕鈴聲 遊子整理
台灣是愈來愈接受西洋的文化風俗,1年1度的聖誕節又欲到囉!
聖誕節的歌曲真好聽,王金選先生改寫作台語文版的歌詞,
連續2年推出,隨就受到網路上逐個朋友非常、非常的歡迎,
後來,舊年連民視電視台的新聞節目嘛參落去紹介喔!
(頂仔是作者王金選先生講課的情形)
過去有聽過王金選先生的講課,一表人才,寫歌作詞攏是一粒一!
所以,會當貼上王金選先生的相片予逐家朋友來認識伊‧
即馬,天氣轉冷,聖誕節又欲到囉!
共款貼踮遮予逐家來分享,有機會嘛會當教囡仔來唱喔!
轉載歡喜聖誕節王金選作
北風呼呼吹,誰人對遮過,
聖誕老阿伯,禮物揹一大袋;
也有運動鞋,也有尪仔冊,也有糖仔佮番麥,
實在有夠濟‧
緊來提,緊來提,一人有一個;
樓頂樓跤茨邊頭尾,逐家歡喜做伙,
也唱歌,也泡茶,也有講笑詼;
上重要的就愛感謝
聖誕老阿伯‧
(頂仔是作者王金選先生寫大字的作品)
(頂仔是作者王金選先生其他囡仔歌的作品)
文章標籤
全站熱搜
