close
台語文~~~影響我上濟的一本冊~~~遊子﹝練習演講稿﹞
自我細漢﹝言別﹞字開始，一直到即馬，嘛看過真濟冊，讀過真濟冊；佇學校內底讀，歇睏時讀‧
除了學校要讀的以外，天文、地理、做人做事的道理、財經、藝術、算命的、小說抑是翁仔冊--‧
攏嘛加減看‧綴著年歲佮社會經驗的增加，即馬我感覺影響我上濟的一本冊就是莊子，莊子‧
佇兩千外年前的春秋戰國時代，出有真濟賢人、思想家，莊子就是﹝辶系﹞當陣的人；伊是老子的
信徒，伊總是﹝要卜﹞拆掉人為的組織，互一切浸入去自然中‧伊上愛用舉例的方式，講故事來說
明事理‧伊無是宗教家，所以﹝勿會﹞去講鬼神，伊的故事攏真有教示的作用，真有啟發性；有生
活中的小道理，嘛有治國平天下的大道理喔！互人看了後，會當清楚了解佮接受‧
比幾個仔例來講‧親像講無用的大叢樹：一叢細叢樹仔栽，一工一工大起來，真直的，真嫷的，大
真緊的，攏漸漸互人﹝坐刂﹞去做傢俱、做建材、起廟，只有這叢生著彎彎曲曲，才有法度保存落
來，變做一叢神木，大人囝仔佇樹﹝骨交﹞坐涼‧和別叢樹仔比，這叢是無路用的，無搁，安呢伊
才有法度保存大叢‧對伊來講，這就是無用之用‧
抑有大葫蘆的用途：有的人將大葫蘆曝﹝火周﹞，內面挖空，用來貯水、貯酒、貯藥仔，嘛有剖開
做水瓢；無搁，有人將大葫蘆曝﹝火周﹞，內面挖空，用塞仔將喙塞起來，用大魚網仔將真濟塞著
的大葫蘆網著，綁互好，頂面囥竹子抑是柴板，就會當做渡船用‧所以，會當將水貯佇大葫蘆內面
，嘛會當將水貯佇大葫蘆外面‧看你安怎想，安怎用；這是一種多元的思考，一項代誌無共款的想
法，著有無共款的結果‧
抑有，西施敢是嫷查妺？這是相對的想法，是真主觀的判斷，實在講，無一個標準，真濟人講西施
真嫷，嘛真濟人講伊無嫷‧這種情形會當拄到真濟，所謂的正義、道理、道德規範，只要是人訂出
來的，就無是絕對的‧
抑有講自然是大力士，自然是一直佇變化，人要順自然，才﹝勿會﹞受驚惶；生死如一，做自然的
朋友 ，無私無我，合著自然，天、地、日、月、風、雨、霜、雪 ，攏嘛是自然 ‧
由莊子的故事內面，會當﹝言別﹞真濟做人做事的道理，互我的心胸放搁卡大、搁卡闊，卡 ﹝勿會﹞
去計較輸贏，計較得失，感覺每工的心情愈來愈快活，日子過著搁卡有意思‧所以，莊子即本冊 ，就
是影響我上濟的一本冊‧
自我細漢﹝言別﹞字開始，一直到即馬，嘛看過真濟冊，讀過真濟冊；佇學校內底讀，歇睏時讀‧
除了學校要讀的以外，天文、地理、做人做事的道理、財經、藝術、算命的、小說抑是翁仔冊--‧
攏嘛加減看‧綴著年歲佮社會經驗的增加，即馬我感覺影響我上濟的一本冊就是莊子，莊子‧
佇兩千外年前的春秋戰國時代，出有真濟賢人、思想家，莊子就是﹝辶系﹞當陣的人；伊是老子的
信徒，伊總是﹝要卜﹞拆掉人為的組織，互一切浸入去自然中‧伊上愛用舉例的方式，講故事來說
明事理‧伊無是宗教家，所以﹝勿會﹞去講鬼神，伊的故事攏真有教示的作用，真有啟發性；有生
活中的小道理，嘛有治國平天下的大道理喔！互人看了後，會當清楚了解佮接受‧
比幾個仔例來講‧親像講無用的大叢樹：一叢細叢樹仔栽，一工一工大起來，真直的，真嫷的，大
真緊的，攏漸漸互人﹝坐刂﹞去做傢俱、做建材、起廟，只有這叢生著彎彎曲曲，才有法度保存落
來，變做一叢神木，大人囝仔佇樹﹝骨交﹞坐涼‧和別叢樹仔比，這叢是無路用的，無搁，安呢伊
才有法度保存大叢‧對伊來講，這就是無用之用‧
抑有大葫蘆的用途：有的人將大葫蘆曝﹝火周﹞，內面挖空，用來貯水、貯酒、貯藥仔，嘛有剖開
做水瓢；無搁，有人將大葫蘆曝﹝火周﹞，內面挖空，用塞仔將喙塞起來，用大魚網仔將真濟塞著
的大葫蘆網著，綁互好，頂面囥竹子抑是柴板，就會當做渡船用‧所以，會當將水貯佇大葫蘆內面
，嘛會當將水貯佇大葫蘆外面‧看你安怎想，安怎用；這是一種多元的思考，一項代誌無共款的想
法，著有無共款的結果‧
抑有，西施敢是嫷查妺？這是相對的想法，是真主觀的判斷，實在講，無一個標準，真濟人講西施
真嫷，嘛真濟人講伊無嫷‧這種情形會當拄到真濟，所謂的正義、道理、道德規範，只要是人訂出
來的，就無是絕對的‧
抑有講自然是大力士，自然是一直佇變化，人要順自然，才﹝勿會﹞受驚惶；生死如一，做自然的
朋友 ，無私無我，合著自然，天、地、日、月、風、雨、霜、雪 ，攏嘛是自然 ‧
由莊子的故事內面，會當﹝言別﹞真濟做人做事的道理，互我的心胸放搁卡大、搁卡闊，卡 ﹝勿會﹞
去計較輸贏，計較得失，感覺每工的心情愈來愈快活，日子過著搁卡有意思‧所以，莊子即本冊 ，就
是影響我上濟的一本冊‧
全站熱搜
留言列表
