jimmycmlin的部落格

台語文~~~我對母語教育的看法~~~遊子~~(練習演講稿)
語言無是乾﹝火周﹞人佮人溝通的工具爾爾，伊嘛是族群傳續到永遠重要的家私頭‧
所以，自早以來，強勢的統治者，攏會將弱勢族群的文字佮話語禁止掉，﹝勿會﹞
當講，﹝勿會﹞當寫，安呢，上濟﹝勿會﹞超過三代，就攏斷了了阿！這個弱勢族
群嘛差不多無救啦！所以，對母語的推展佮保存是真正重要的，非常要緊‧
對母語教育的推行佮落實，我的看法是：全體住民攏有責任‧無管是政府、社會、
學校、家庭抑是個人，攏﹝勿會﹞當走閃，有人就有分‧
佇政府來講：要確定真清楚的目標，樹頭﹝ㄔ奇﹞互在，無驚樹尾做風颱‧親像
日語文嘛是漢字系統的分流，有漢字、有平假名、片假名文字佮羅馬字母，佇
﹝人因﹞國內抑是世界上，攏用著真順序，無問題‧對咱的閩南語抑是客家語來講，
嘛是漢字系統的分流，無搁漢字用字無統一，音標系統嘛有幾仔套，大家無知安怎
選擇卡好；政府應該整理做注音符號一套佮羅馬字母一套就好，決定了後，大家就
照安呢去做、去教、去學，漢字的用字嘛要統一，外來話語會當像日語文用羅馬字
母寫出來，因為，四百年來的台灣歷史，平埔族語佮外來話語合起來，大概有20%
是漢字無的‧政府訂好政策，大家綴目標行就對啦！
佇社會來講：逐種媒體攏要有閩南語的節目，時間要有一定的比例，內容和別的語
言節目﹝勿會﹞應有高尚低俗，大細目無共款的看待‧平面媒體要有台語文的新聞
文章佮文藝作品‧安呢，全民有這個環境，就會慣習接受變自然‧
佇學校來講：依照政府訂的政策目標，無管是幼稚園、小學、中學抑是大學研究所
，攏要全力配合執行，無通做表面工夫，好面前﹝ㄔ奇﹞，課表有排，實在無佇教
，學生無佇讀無佇學，安呢就無對囉！隨時會當辦逐種佮台語文相關的活動來配合
搁卡好‧學生囝仔會進步搁卡緊‧漸漸嘛攏會慣習啦！
佇家庭來講：佇茨內的生活中，序大人佮序細攏用母語交談，吩咐代誌，﹝足妾﹞
講就會滑溜，慣習變自然‧阿公阿媽佮孫仔攏嘛免驚無話講‧
佇個人來講：要有痛惜台灣這塊土地的心，要覺悟到台灣人會當﹝ㄔ奇﹞互直，無
管佇什所在，無通無敢開喙講母語；講無好無要緊，敢開喙是見笑一時，無敢開喙
是見笑一世‧總是好歹攏會通，日長月久就成功‧
那準政府、社會、學校、家庭佮個人，攏會當﹝足交﹞踏實地；全民若共心，烏土
嘛變成金‧咱的母語就會當愈來愈旺，咱台灣嘛愈來愈有希望！