jimmycmlin的部落格

台語文~~~相讓食有賰，相搶食無份‧~~~遊子﹝練習演講稿﹞
一個人生活佇社會上，無可能一個人就會當過日子，一定要和別人相交插‧
這就是人佮人的人際關係‧放大來講，佇家庭內、學校內、公司內、抑是
社會團體內、國家內，攏嘛共款‧這就是團隊的精神‧這嘛是外國人所講
的team work‧只要個人佇團體內面，會當和大家同心協力，就會當發揮
出真大的力量‧
佇小學生嘛知影的寓言：兩隻羊仔﹝要卜﹞過細板橋的代誌，佇橋的中央，
因為有一隻羊仔先退後，讓另外一隻羊仔先過橋，續尾，伊才過去‧兩隻羊
仔攏真順序過橋啦！無搁，另外兩隻狗仔嘛是共款情形，因為互相爭﹝要卜﹞
緊先過橋，無相讓，兩隻狗仔攏擋佇橋中央，鬥來鬥去，最後，兩隻狗仔攏
跋落水底啦！這個故事大家嘛攏知影，這就是“相讓食有賰，相搶食無份”
的例‧
抑有，親像一粒田螺九碗湯，雖然味卡﹝食且﹞，無搁，有人就攏有份‧親
像佇公共場所，上車落車嘛要照先來後到排隊，車到停好了後，先落車才後
上車，安呢大家攏會當真順序，無危險，抑﹝勿會﹞牽拖時間‧佇路仔駛車
嘛是共款，無通相爭車道，駛比緊，﹝辶系﹞是真危險的代誌‧這就是俗語
講：甘食甘分，有通食搁有通賰‧佇茨內就是“家和萬事興，家吵萬世窮‧”
共款的道理‧對國家對社會嘛是 共款，無通唱衰台灣，大家要合力同心，為
台灣這塊土地﹝扌卜﹞拼，咱的生活才會搁卡好，社會搁卡安和進步，國家
搁卡強！台灣才有希望‧