jimmycmlin的部落格

台語文~~~~~使我上敬重的台灣歷史人物~~~~~遊子
台灣自十六世紀有文字記載開始，這四百外年來，對台灣這塊土地佮住民有貢獻
的賢人真濟‧親像：鄭成功的開設學堂佮開墾地方；曹謹佇南部開水圳，就是現
主時的曹公圳；抑有沈保楨巡撫、加拿大人馬偕博士的傳教佮行醫救人、英國人
威爾斯、劉銘傳巡撫、早期民主啟蒙運動者林獻堂、蔣渭水，一直到近代的杜聰
明、吳濁流、楊三郎、黃水土、呂泉生、雷震、鄭南榕---等等，非常濟，其中
使我上敬重的是劉銘傳先生‧
劉銘傳先生是清朝平定太平天國的淮軍名將，是文武全才，眼光看真遠的賢人‧
佇清朝和法國相戰的時派來台灣，伊將台灣變做清朝的一個行省，就任為第一任
巡撫，互台灣的行政地位提懸‧伊搁主張創辦軍需工業，起兵工廠、機器局、火
藥局、水電局，佇逐位重要的港口起砲台，又搁創辦鐵路局，開辦航務，郵務，
清查土地，開發稅源；起鐵枝仔路，因為經費無夠，伊就發行鐵路債券﹝親像即
馬的股票﹞，集合民間的錢做資本，設立全台灣的鐵路商務總局‧上早規劃的設
計是由雞籠鋪鐵枝仔路到打狗，一段一段那起那通車‧上頭就起好雞籠到台北城
，續落﹝足百﹞過龜崙嶺經過桃仔園、中壢、大湖口到新竹；真可惜，接任的人
無法度嘛無才調續落去起‧起鐵枝仔路的時，避開土質鬆軟的所在，這攏是真有
智慧的代誌‧又搁起好一段就先通車一段，拄到特別的日子抑是臨時需要，攏開
加班車，這是不是真好的企業管理精神‧即馬，佇台北市228和平紀念公園內底
，猶會當看到﹝辶系﹞當時的火車頭~~騰雲號‧﹝辶系﹞不是小火車，﹝辶系﹞
是老火車喔！是咱台灣火車的祖先啊！
由劉銘傳先生赫呢濟的建設，將台灣現代化的工課，﹝扌卜﹞好真好的基礎‧後來
，日本人來到台灣，才由這個基礎續落去加強建設，擴大其他的建設，互台灣的現
代化比起中國本土早正百年‧伊對台灣的用心建設，一直影響後世後代的台灣住民
佮這塊土地，一直到即馬，咱逐個嘛攏有感受到才對‧咱要飲水思源，要食果子拜
樹頭‧所以，劉銘傳先生就是我上敬重的台灣歷史人物‧