jimmycmlin的部落格

新聞辭典~~~~~烙印~~~~~遊子
最近媒體報導：烏幫火烙封印控制少年囡仔‧就是對加入幫派的少年囡仔烙印，
來判斷是毋是忠心？是毋是家自人？到底什麼是”烙印”？
烙印就是用燒紅紅的高溫金屬工具，印在動物的皮膚上、植物亦是家具等物件表
面來做記號；皮膚受高溫金屬燙傷，雖然無一定有空喙，一定會留著爪痕在原本
正常的皮面，永遠無法度消除的烙印痕‧所以，少年囡仔毋通為著一時的趣味，
一時的衝動講義氣，隨便綴人做戇事誌，去接受予人來烙印‧
烙印行為上早在中國起源於戰國時代，在漢朝已經採取烙印做為馬隻的識別，後
來在世界無共族群地區，有將烙印用在奴隸亦是戰俘的身體上；嘛有心理無正常
的人，將烙印準做凌治、凌虐弱者的工具行為；嘛有寡族群以烙印來標記無共的
階級身份等等，看起來和”刺青”稍可仔倚意倚意‧
依現代醫學角度來看，將烙印用在別人的身體上，是暴虐無正常的行為，使弄的
人亦是親自動手的人，已經算是變態、有病的人啦！這種人的掌控慾真強，私心
非常重，對別人無信任，對親蜜做伙的人共款無信心‧對予人烙印的人來看，被
強迫的是因為不得已，就免講啦！抑是自願來受烙印的人，嘛是有受虐待的心理
，是變態、有病的情況，兩人佮做伙，算是變態的趣味動作，其實在醫學心理上
，兩人嘛是攏有病的人，需要同齊去看精神科醫師才是，亦無，早慢一定出意外
事誌啦！