用藥保健~~~~~肝硬化~~~~~遊子
肝硬化就是肝臟組織變硬，佇肝臟發炎真厲害時，肝臟組織會漸漸纖維化，愈來愈硬化；到目前為止，
猶無任何藥物會當予硬化的肝臟組織變成軟倒轉來，欲根本治療只有做肝臟移植，就是一般所講：換肝
啦！
肝硬化的主要成因就是B型肝炎、C型肝炎、lim酒傷過頭濟、濫用藥物等等所引起；早期並無任何症頭
，只有定期透過超音波才有法度檢查出來‧
肝硬化上驚的是伊的併發症，除了其中每年有4%會變成肝癌，嘛有可能變成：食道靜脈瘤曲張、肝昏迷
、腹內水、腹膜炎等等‧食道靜脈瘤曲張嚴重時，如果破裂去會引起大量出血，出現放烏屎、喙吐鮮血
等症頭‧
雖然，肝硬化無法度逆轉恢復過來，如果好好仔保養，會當控制惡化的進度和速度，包括：生活規律、
﹝勿愛﹞lim酒、﹝勿愛﹞胡亂食藥仔、和肝膽科醫師充分配合等等，攏是真好的保健方式‧
最近研究報告指出：血中病毒量每cc在1萬至10萬間，變肝硬化風險增加3.6倍，如果是10萬以上，風
險增加到9.7倍喔！所以，病毒量懸的患者，定期篩檢的時間需要縮短，為著家己的健康和家人的幸福
，毋通脫久久才去篩檢‧
目前咱國內大概有300萬B型肝炎帶原者，有可能在20外歲時慢性肝炎發作，30~40歲時出現肝硬化現象
，50~60歲時轉變做肝癌‧所以，建議定期篩檢時，如果發現肝功能指數竄懸，愛緊做進一步的檢查才
是正確的保健之道‧
全站熱搜
留言列表
