jimmycmlin的部落格

用藥保健~~~~~創售病症~~~~~遊子
由真出名的線上醫學刊物”科學公共圖書館醫學期刊”(PLOS Medicine)出版的特別號，
指控一寡仔世界出名的藥廠，為著賺錢有計畫的創造一寡仔原本無存在的病症，親像：男
女性功能障礙、婦女更年期症頭等等，嘛有的是將病症的輕微症頭刁工誇大，予一般人聽
到會感覺驚惶；即種”創售病症”的行為，完全是為著藥廠本身藥品的行銷爾爾‧
因為親像婦女更年期症頭，是人類在人生過程中自然變化的階段之一，不過，在醫藥商團
體宣導之下，變成真嚴重的病症，無補充女性賀爾蒙﹝勿會﹞用哩，一段時間了後，結果
出來另外一種研究報告，認為用傷久的女性賀爾蒙，有可能會致癌症，上好愛改用植物性
賀爾蒙，像大豆異黃酮等等；予患者嘛毋知愛按怎才好‧
在醫藥商團體的廣告宣導教育之下，將原本健康的人看做病人，將小病症準做嚴重病症，
醫藥商團體無一定是真正關懷社會大眾的健康，是佇推銷in所開發製造所謂的”萬靈單、
特效藥”；不但造成醫藥資源的浪費，嘛造成醫源性的傷害‧即種”創售病症”的行為，
對全世界的公共衛生是一種嚴厲的挑戰‧
所以，咱消費大眾毋通聽人講什麼藥仔真有效，就開錢買來食；平時愛有固定的家庭醫師
負責看病，嘛愛有會當信任的社區藥局的藥師，做咱用藥安全的諮詢顧問；醫師的診所和
社區藥局的藥師，上好毋通相做倚、相做伙，按呢，才有法度得到卡可靠的用藥保健的諮
詢和保障‧