用藥保健~~~~~平鎮社大Q.&A.(2)~~~~~遊子
Q.6:每次食藥時攏愛加胃藥仔卡﹝勿會﹞傷胃，對毋對？
A.:其實大部份的藥品攏﹝勿會﹞傷胃，如果食藥後感覺無爽快，嘛是局部的刺激爾爾，一般講的胃藥仔
是指制酸劑，包括胃片、胃奶、胃散等，制酸劑有時顛倒會影響到某一寡仔藥品的吸收和治療藥效；如果
一定需要食制酸劑時，愛和別種藥仔隔開2點鐘才會用哩‧
Q.7:止瀉藥是毋是藥效愈緊愈好？
A.:漏屎是一種身體自然的保護反應，如果食到無清氣的物件，用漏屎方式來排除體內有害成分，所以，
輕度的漏屎無需要食藥來治療，自然會停止‧如果是嚴重的漏屎，醫生處方時，嘛﹝勿會﹞隨將漏屎症頭
止著，因為腸仔內的毒素、有害成分等等，嘛愛排除清氣才好；另外，需要補充水份、電解質等成分；復
過去予腸仔歇睏，才是正確的處理方式‧
Q.8:香港跤愛按怎預防和治療？
A.:一般所講的香港跤就是足癬；是因為濕熱環境，黴菌在跤底、跤趾頭仔縫等部位的皮膚角質層內寄生
繁湠造成的病症；所以，預防方式是隨時保持跤部份通風、乾燥，毋通隨便穿別人的鞋仔，每工襪仔攏愛
換新的清氣襪仔‧如果出現症頭，愛去看皮膚科醫生，有耐心和認真照時間抹藥膏，每工早暗，連續4禮
拜無停睏，就會當治療完全‧
Q.9:用爽身粉來防止嬰仔的尿布疹對毋對？
A.: 嬰仔的尿布疹是因為hip、濕的因素，引起嬰仔幼幼的皮膚和屎尿接觸、和尿布摩擦，造成下身、
尻川部位皮膚出現濕疹發炎的現象‧如果只是用爽身粉，並無法度來防止嬰仔的尿布疹；應該愛卡捷為嬰
仔換掉濕的尿布，予嬰仔的下身、尻川部位皮膚保持清氣、乾燥，才是正確的預防方式‧如果出現症頭，
愛去看皮膚科醫生，毋通家己胡亂買藥膏來抹，才﹝勿會﹞對嬰仔幼幼的皮膚造成再度的傷害‧
Q.10:運動33制是什麼意思？
A.: 運動33制是這幾年來，衛生署大力推動的健康運動，因為現代人攏是食好、做輕可，欠運動，才會
漸漸出現逐種病症‧運動33制是：每禮拜上少3次，每次上少30分鐘，愛運動到有稍可仔出汗的程度才有
幫助‧愛有恆心、耐心，繼續保持運動落去‧實在有效喔！
全站熱搜
留言列表
