jimmycmlin的部落格

用藥保健~~~~~甲殼素有多種效能~~~~~遊子 2008.02.24.
媒體報導：得到白斑症(Vitiligo;嘛叫做白弔，白癜風)的患者有
新的治療希望，台大醫工所研究出甲殼素有粘著烏色素的功能，會
使做為烏色素的細胞移植貼片，用來治療白斑症新的希望‧
甲殼素(Chitosan)嘛叫做幾丁聚醣，真普遍存佇菇類佮蝦子、蟹類
等有硬殼的海產動物的外殼內，是1種會當食的纖維質，安全性真懸
，真濟公司將伊製成健康食品，嘛有製藥公司將伊的主成份純正做成
藥品，就是現此時有歲的人顧關節的Glucosamine (葡萄糖安)，廣
告上有名的”維x力”； 甲殼素嘛有抗菌效果，有高度的生物相容性
，袂互相排斥，所以，嘛非常普遍用佇其他的醫療用途，親像：燒燙
傷的敷料、紗布、衣物、護具等等‧
佇這幾年真正熱門的幹細胞研究上，甲殼素亦是熱門的生物支架的材
質，用來保存佮培養各類的細胞‧