jimmycmlin的部落格

新聞辭典~~~~水錘現象~~~~~遊子
水錘(Water Hammer)簡單講就是佇一目躡的時間水壓受到重錘‧
一般來講，抑是佇建築物內面的管路水流真緊改變，間接會引起管內水壓綴著
真緊升降產生變化，又搁順著管路佇建築物內面來來往往，走來走去，而且，
會造成管線劇烈振動抑是會發出無正常的聲音，不是甘若影響抽水膨浦佮管路
配件的使用壽命，嘛會產生互人感覺無爽快刺耳的噪音‧
有專業管路施工人士講：愈懸樓層的建築物，會愈會發生水錘現象‧過去連真
有名的國營事業辦公大樓嘛受到這種困擾；尤其建築物的水管通路攏設計佇每
層的共一區域的管道間，若準設備無夠來解決水壓問題，就真會產生水錘現象‧
為了防止發生類似的水錘效應所造成的水壓尚大，影響著住戶的不便，目前，
建築業者已經對管路行的線路，發展出直型抑是彎頭型的水錘防止器、減壓閥
來有效降低水管的壓力，甚至透過管道的空氣力學來算清楚管線所會當承受的
水錘壓力，才委託專業技師來施工，就會當解決類似的水錘現象‧