jimmycmlin的部落格

新聞辭典~~~~~會當燒的冰角/固態天然氣~~~~~遊子
會當燒的冰角，伊的學名叫做：天然氣水合物‧又搁叫做：甲烷水合物‧
是天然氣佇0*C和30個大氣壓的作用之下，所結晶變成的固態天然氣‧
外形親像冰角，才會號這個名‧西方國家的學者將伊叫做：21世紀
新能源，抑是叫做未來的能源‧
會當燒的冰角內面，甲烷差不多占80%--99.9%；會當直接點火來燒，
燒完了後完全無留落來任何的殘渣佮汙染，比起土炭、石油、天然氣攏
卡無汙染；不過，伊對地球變燒暖化的影響是非常強烈的喔！一立方米
會當燒的冰角，會當轉變做160立方米的天然氣和0.8立方米的水‧
科學家估計，海底會當燒的冰角分佈的範圍差不多有四千萬平方公里，
大概占海洋總面積的10%,海底會當燒的冰角的儲存量有夠互人類使用
1000年‧海底會當燒的冰角的發現，互全世界本來﹝要卜﹞陷入能源
危機的人類，看到新希望‧所以，世界逐國攏認真﹝扌卜﹞拼佇探勘
探測佮開發，海域糾紛嘛會愈來愈濟‧