jimmycmlin的部落格

新聞辭典~~~~~1雷破9颱~~~~~遊子
即擺第19號風颱~龍王登陸前，部份地區聽到雷公dan甲真大聲，結果強烈
風颱~龍王的威力，無像預報赫呢仔大，到底俗語講的：1雷破9颱‧是毋是
有準？
照中央氣象局講：熠爁、dan雷公和風颱是毋是會來，無直接的關連，因為
，風颱暴風雨箍的上升氣流非常旺，有雷雨是正常的現象，只不過，雷公
dan的聲互風雨聲蓋過去爾爾‧
一般人對1雷破9颱的理解是：看到熠爁、聽到雷公dan，照古早人的經驗，
就想講風颱﹝勿會﹞來啦！提來對照強烈風颱~龍王，互台灣帶來的影響，
看起來嘛講會通‧
不過，前1暗宜蘭落大雷雨了後，強烈的風佮大雨車桶倒，互宜蘭人認為
1雷破9颱，即擺無準啦！中央氣象局講：即句諺語卡正確的解說應該是，
平常時台灣地區定定有午後雷陣雨發生時，風颱就﹝勿會﹞來啦！因為，
即時台灣地區罩佇太平洋高壓勢力範圍內，但是，抑準連續性的雷雨忽然
間停止囉，就代表風颱無若久會來報到喔！
搁卡重要的是，佇風颱來了後，雷雨共款會繼續發生，因為，風颱本身的
對流作用就有可能造成雷雨，風颱本身並﹝勿會﹞因為dan雷公就消失去‧
事實上，風颱本身就是1個真旺的氣旋，佇伊的暴風半徑內，定定看會到
熠爁、聽到dan雷公，這對風颱行走遷徙的過程中，是真正常的現象‧
所以講，民間對1雷破9颱的看法嘛毋是無道理，抑是懸懸的天頂已經有1
個真旺的氣流，而且嘛會到熠爁、聽到dan雷公，對牽引風颱過來的力頭，
就會受到破壞，風颱直接zong來的機會就減少，抑無，風颱的威力嘛會減
少，地區的損害嘛減輕真濟‧